Lospalos rcl vp 16-09-2024 Konselho Impresa Timor Leste ka( KI )halo Konvoka Encontru ho Jornalista sira iha Munisipio Lautem atu nune Jornalista sira hodi divulga Informasaun nebe diak iha Munisipio Lautém.
Gestora Radio Komunidade Lospalos Ermelinda da Silva Pereira ne’ebé Jornalista sira hasoru iha Radio Comunidade Lospalos Segunda Feira ne’e hateten, nia Parte agradese tebes ba prezensa konseilhu Impresa nian, tamba bele hakbesik ba Jornalista sira hodi fahe informasaun papel konseilhu nian ba Jornalista sira.
‘’ hau agradese tebes ba prezensa konseilhu Impresa nian, tamba bele hakbesik jornalista sira hodi fahe informasaun papel konseilhu nian ba jornalista sira nomos hakbesik jornalista sira oinsa atu halo kobertura ho diak,no wainhira jornalista sira halo kobertura tenki tuir lei inan no lei komunikasaun nian hodi halo kobertura ho sensivel nune bele hametin liu tan servisu jornalista nian iha munisipiu lautem.
Iha Sorin seluk Konseleiru Konseilhu Imprensa Amito Konusere Araujo haktuir katak ,objektivu ba Enkontru ho media lokal sira atu fahe imformasaun papel konseilhu nian no mos rona prekupasaun media lokal sira nian iha terenu.
‘’ objektivu ba enkontru ho media lokal sira atu fahe imformasaun papel konseilhu nian no mos rona prekupasaun media lokal sira , hanesan Lautém Post, RTTL no mos TVE. iha terenu,tamba Jornalista sira infrenta durante halao serbisu Jornalismu nian, iha baze no sei halo influensia ba parte relavantes sira hodi buka solusaun,no Jornalista sira mos tenke halao knar tuir etika jornalista nian no lei komunikadaun sosial nian hodi hato’o informasaun ho lolos no kredivel’’.dehan Konseleiru Konseilhu Imprensa Amito Konusere Araujo
Entretantu: enkontru ne’e ne’e lao ho diak tamba hetan Partisipasaun Masimo husi Jornalista Radio komunidade lospalos, Lautem Post, TVE inklui RTTL.
Jornalista;Versisi
Editor;EL
