Lospalos rcl vp 26/09/2024 komisaun organizadora massacre Apikuru halao seminario agradesimentu ba Loron massacre Apikuru ba dala rua nolu resin lima (25) nudar apresiasaun ba Ema hotu nia kontribuisaun ba proseu Luta ukun rasin Aan
no tema ba masker apikuru lautém mak ” o sangue os martires e semente do cristao
Orador ba Mascre Apikuru Pedro costa ba Jornalista sira segunda feira ne’e hateten,liu husi Loron Masakre Apikuru ida ne’e , foin sae sira tenki tau an no haknaar aan hodi kontribui ba Dezenvolvimentu Nasaun Timor Leste.
‘’ liu husi Loron Masakre Apikuru ida ne’e , foin sae sira tenki tau an no haknaar aan hodi kontribui nafatin ba dezenvolvimentu Nasaun nian iha Timor Leste,tamba joven sira tenki haknaar aan no hatudu aan hodi bele sai linha ida ne’ebe positivu hodi tama ba konstrusaun estado nian.’’hateten Orador ba Mascre Apikuru Pedro costa ba Jornalista sira segunda feira 26/09/2024
iha fatin hanesan, Presidente CCLNM Aurelio Freitas Ribeiro mos hateten, Mascre Apikuru nudar Prosesu luta kontinuasaun husi tinan 1975 too Timor Leste hetan nia independensia tamba ne’e husu atu ema hotu valoriza luta nain sira no martires sira nia dedikasaun iha Munisipio Lautem.
” Massacre Apikuru hanesan kontinuasaun luta nebe hahu husi 1975 too ukun aan, no ohin Loron ita halo selebrasaun ne’e atu ita fo onra no gloria, respeitu ba lutadores sira nian Didikasaun ,inklui mos ba nain 8 nebe mate iha api kuru ida ne’e no hau mos husu ba foin sae sira atu kontinua banati tuir luta nain sira nia ain fatin hodi kontribui ba dezenvolvimentu,tamba tempu Uluk luta nain sira iha mehi hodi sakrifika aan luta libertasaun ba patria no povo no lori Povu Nasaun ne’e Sai husi kiak no mukit atu bele sai hanesan Nasaun sira seluk.’’ Tenik Presidente CCLNM aurelio freitas ribeiro
Referendun Padre Mario Carvalho Soares mos hateten, foin sae sira tenki aproveita independesia ida nee hodi aprende no kontinua luta ba Dezenvolvimentu Nasaun nian ba oin.
‘’ foin sae sira tenki aproveita independesia ida nee hodi aprende no kontinua luta ba dezenvolvimentu Nasaun nian ba oin,no joven sira mos tenke aproveita tempu ne’e hodi atende memoria ida nebe ho diak buka tempu hodi aprende serbi familia no nasaun, rezistensia armana no diplomatiku hotu ona agora hahu rezistensia foun iha tempu foun ida nee fo domin ksolok no fraternidade ba ema seluk no reziste aktu violensia, droga nune sai fali rezistensia ida nebe diak ba futuru nebe diak ba ita nia rai.’’dehan Referendun Padre Mario Carvalho Soares
Entretantu: seminario agradesimentu ne’e halao iha salaun igreja cristu rei de Lautem, hetan partisipasaun masimu husi estudantes sira no juventude sira inklui Autoridade Lokal sira,
Jornalista;verrsy
Editor;EL
