Lospalos rcl vp 30-09-2024 Hahu husi Fulan Agustus to’o setembro Tinan ida ne’e Polisia Tranzitu Munisipio Lautem rejista ona motorijada hamutuk 64 mak la iha dokumentus maibe nafatin halo sirkulasaun iha Strada Publico.
Komandante Polisia Munisipio Lautem Superintedente Polisia Joao da Costa ba Jornalista RCL hateten katak, Parte Polisia Tranjitu Rejistu ona Motorijada hamutuk Nen Nolu Resin hat ( 64) ne’ebe durante ne’e sedauk iha dokumentus maibe sei halo nafatin sirkulasaun iha Estrada publiko .
‘’ Durante ne’e Ami Parte Polisia Tranjitu nian Rejistu ona Motorijada hamutuk Nen Nolu Resin hat ( 64) ne’ebe durante ne’e laiha dokumentus hodi halao sirkulasaun iha Munisipio Lautem,no husi ida ne’e Ami Parte Polisia mos rejistu ona motorijada hirak ne’e, maibe nia prosesu atu hetan dokumentus ne’e parte DNTT maka bele halo nia Prosesu, maibe Ami polisia halao deit orentasaun ne’ebe komando fo ba Ami atu halo rejistu ba motorijada ne’ebe mak la iha dokumentus
Hatan ba prosesu dokumentus ba motorijada ne’e ,director DNTT Munisipio Lautem Eddy Corea Lemos mos hateten, motorijada ne’ebe la iha dokumentus sira ,bele halo nia prosesu atu hetan fila fali dokumentus wainhira rejistu ona iha DNTTno sira bele trata fali dokumentus wainhira iha ona sistema laran.
‘’ Motorijada ne’ebe la iha dokumentus sira ,bele halo nia prosesu atu hetan fila fali dokumentus wain hira rejistu ona iha DNTTno sira bele trata fali dokumentus wainhira iha ona sistema laran, maibe motorijada ne’ebe durante ne’e seidauk rejistu iha parte DNTT sira la bele halo nia prosesu ba dokumentus tamba la iha sistema nia laran no wain hira tranzitu sira prende motor hirak ne’e sei asegura hotu iha commando Polisia Lautem hodi tuir nia prosesu tamba la iha dokumentus ne’e tuir planu foin mak halo ita seidauk bele implementa tamba ita mos tenki hare ba prosedimentu legais,no ba dokumentus kareta no motor ne’ebé polisia Prende ne’e sei hare ba nia kategoria kuando dokumentus laiha maibe naran iha sistema ita bele fo sai, maibe nunka registu nee ita labele fo sai ne obrigatoriamente polisia tenki asegura administrasaun no prosesa liu husi tribunal mak deside.”
Jornalista;versilisi
Editor;EL
