Lospalos rcl 01/10/2024 Ministerio Agricultor Pecuaria e Pesca no Floresta ka ( MAPPF) hamutuk ho Autoridade Lokal no agrikultores sira hodi koilheta haré ho tipu Nakroman hamutuk hektares hat nolu (40) iha Postu Administrativu Iliomar, Munisipiu Lautem.
Diretur Nasional Agricultura Horticultura e Protesaun das Plantas Luçio Ribeiru, hateten nia parte Agradese ba komunidade iliomar no Autoridade Munisipal sira ne’ebe serbisu hamutuk hodi kontinua hasae produsaun.
“hau Agradese no kongratula ba komunidade iliomar no Autoridade Munisipal sira iha Munisipio Lautem nebe serbisu hamutuk hodi kontinua hasae koileta hare porvolta 40 hektares ne’ebé reprezenta hektares 15 nebe koileta ona.” Dehan Diretur Nasional Agricultura Horticultura e Protesaun das Plantas Luçio Ribeiru iha Tersa feira 01/10/2024.
iha fatin hanesan Prezidente Autoridade Munisipal Lautem Melio de Jesus mos louva ba rezultadu serbisu husi grupu modomau nian, atu kontinua hasae kresimentu Ekonomia iha rai laran.
” hau nudar Presidente Autoridade Munisipal Lautém hau Agradese tebes ba natar nain sira, no extensionista, ne’ebe mak serviso iha Agricultura Munisipiu Lautem, atu labele moe hodi kaer katana no aisuak maibe tenki serbisu hodi bele produs hare,no enkoraza mos komunidade sira atu kontinua hasae produsaun nune’e bele minimiza aihan importasaun husi rai liur.”tenik Prezidente Autoridade Munisipal Lautem Melio de Jesus
xefe grupu modomau ,adriano savio hateten, rezultadu produsaun hare neebe koileta ona ne’e ho tipu haré nakroman hamutuk hektares Sanolu resin Lima(15).
” Rezultadu produsaun hare neebe Ami Grupo Modomau koileta ona ne’e ho tipu haré nakroman no hare ira hamutuk hektares 15 no husi numeru 40 nee koilheta ona reprezenta husi hektares 15. enkuantu area potensial iha postu administrativu iliomar hamutuk hektares 914 no utiliza ona hektares 94.
Jornalista;Versysi
Editor;EL
