Lospalos rcl vp 02-10-2024 Rai potensial iha Postu Administrativo Iliomar kuaze abandona, tamba laiha traktor ho nune’e husu ba Nono governu atu apoiu traktor no hadia irigasaun.
Xefe Grupu Modomau Adriano Savio husu ba Nono governu atu apoiu traktor ba sira no halo irigasaun tamba kada tinan sira nia natar hetan beibeik estragos husi korenti mota.
‘’ hau husu ba Nono governu atu apoiu traktor ba sira no halo irigasaun tamba kada tinan sira nia natar hetan beibeik estragos hus korenti mota,tamba problema nebe ami hasoru mak traktor tamba ida ne’e ami natar 10 hektares ami uja traktor boot hodi fila, no natar nebe hetan estragos kuaze hektares 3 bee lori husi irigasaun ,ami husu laos atu halo irigrasaun feito too mai iha natar maibe proteje bee nia hun deit nee sufisiente ona ba ami.”
hatan ba problema ne’e Prezidente Autoridade Munisipiu Lautem Melio de Jesus katak, hand traktor nebe atu apoiu ba agricultuta sira dadaun nee iha ona servisu munisipal Agricultura Munisipio Lautem ,no hein halo distribuisaun.
‘’ hand traktor nebe atu apoiu ba agricultuta sira dadaun nee iha ona servisu munisipal Agricultura Munisipio Lautem ,no hein halo distribuisaun. no irigasaun mos iha ona planu tenderizasaun no garante katak tinan oin hahu ona konstrusaun,tamba hand traktor tama ona iha munisipiu hamutuk 25 no traktor bot rua,nomos irigasaun iha irabere iha ona prosesu tenderizasaun maibe prosesu kleur ituan tamba nee hau sei ba dili hodi aprezenta para ates fin do ano prozetu irigasaun irabere tenki hahu ona konstrusaun tamba ita lakohi orsamentu fila fali ba kofre estadu tinan oin bele lao tamba prosesu lao ona.”
Diretur Nasional Agricultura Horticultura Protesaun Plantasaun Lusio Ribeiru mos hateten ,rai potensial barak mak abandona tamba nee governu iha ona planu atu fornese hand traktor hamutuk unidade 400 no sei distribui ba kada munsipiu ho unidade 25.
‘’ durante ne’e iha Munisipio Lautem Natar barak mak abandonado, ho nune governu iha ona planu atu fornese hand traktor hamutuk unidade 400 no sei distribui ba kada munsipiu no kada Munisipio sei hetan hand traktor ho unidade 5
Entretantu :irigasaun nebe fornese ba natar iha Postu Iliomar hamutuk hektares 115 komspostu natar husi irabere atus ida (100) no Natar iha modo mau hamutuk hektares 15.
Jornalista versysi
Editor;EL
