Lospalos rcl vp 15-10-2024 komandu PNTL munisipiu lautem liu husi seguransa tranzitu rodaviariu rekola osan rihun Sanolu Resin Nen Atus Hitu Hat Nolu Resin Walu ($16.748) hahu husi fulan janeiru to’o outrubru tinan ida nee.
Komandante PNTL Munisipiu Lautem Superintendente Polisia joao da Costa mos hateten, fonte reseitas ne’e mai husi transporte publiku no privadu nebe laiha dokumentus legal, laiha karta kondusaun, asesor la kompletu, lisensa operasaun mate, no la uza sapa matrikula orijinal.
” durante ami halao operasaun ami detekta ba fonte reseitas ne’e mai husi transporte publiku no privadu nebe laiha dokumentus legal, laiha karta kondusaun, asesor la kompletu, lisensa operasaun mate, no la uza sapa matrikula orijinal , tanto motorizadas no tum-tum liu husi operasaun nee ami hetan durante fulan sia nia laran no PNTL hatama reseitas ba estado $ 16 mil 748 dolares amerikanu,no motor kuaze 50 resin, maibe ida ne’e ami despachu tu-tuir, kuando ema kumpri ona infrasaun entrega fali ba nain maibe kada fulan operasaun hetan to’o 20 to’o 40.” Dehan Komandante PNTL Munisipiu Lautem Superintendente Polisia joao da Costa
komandante ne’e afirma, dadaun ne’e transporte publiku no privadu hanesan motorizada no tum-tum hamutuk 14 no motorizada sanolu resin mak tranzitu prende no dadaun ne’e iha hela prosesu dokumentu.
‘’ dadaun ne’e transporte publiku no privadu hanesan motorizada no tum-tum hamutuk 14 resin mak hapara iha Komando Munisipio no seidauk Kumpri sira nia dever hodi trata dokumentus kompletu no no wainhira trata nia dokumentu bele mai foti foti fali nia tum –tum no seluk motorizada sanolu resin mak tranzitu prende ona no dadaun ne’e iha hela prosesu dokumentu wainhira trata dokumentu halo kompletu mai aprezenta iha policia mak sira bele foti fila fali ,’’ joao da Costa hatete mai ita
Entretantu:aktividade operasional seguransa rodaviariu ne’e atu garante seguransa no estabilidade ba movimentu transporte publiku no privadu sira iha munisipu lautem tenke ju tuir ordem komando jeral PNTL.
Jornalista;versy
Editor;EL
