Iliomar rcl vp 16-10-2024 Saudozu Antonio lima ho kodiku “maulima” nudar membru komite 12 novembru no hetan ona medailha loriku asuwain nian , enkuantu direitu ba Kombatentes Libertasaun Nasional sei iha hela prosesu validasaun dados,no nudar Membru komite 12 Novembru saudozu seidauk hetan Pensaun no hakotu nia Jornada Moris
Reprezenta Familia Saudozu Antonio Lima , Tomas Mariano Pinto husu ba ministeriu relavante atu hare ba saudozu antonio lima nia kontribuisaun ba Libertasaun Nasional no nudar mos membru komite 12 novembru hodi kontribui ba libertasaun Timor Leste , maibe too agora seidauk hetan nia direitu too hakotu nia jornada moris.
“Hau husu ba ministeriu relavante atu hare ba saudozu antonio lima nia kontribuisaun ba Libertasaun Nasional no nudar mos membru komite 12 novembru hodi kontribui ba libertasaun Timor Leste , maibe too agora seidauk hetan nia direitu too hakotu nia jornada moris,tamba ne’e antigos combatentes Libertasan Nasional nia mos involve ba organizasaun marsa rezistensia nudar mos sobre vivente ba 12 novembru, nebe madailha simu ona nudar orden lori asuwain maibe nia direitu ba pensaun iha antigos kombatentes seidauk simu ne’e duni nudar familia enlutada hatoo katak wainhira nia dados verifika hotu ona wainhira mai taka edital karik ami sei fortifika nia dokumentu no komisaun oragnizadora nivel suco too munisipiu tur hamutuk oinsa nia bele tama iha grau nebe merese ba nia tamba nia mos nudar luta nain ida.” Hateten Reprezenta Familia Tomas Mariano Pinto iha Loron 16/10/2024
Conceleiru Comite 12 Novembru Ponta Leste Jacinto da Costa kompromete katak,nia Parte sei hamutuk ho membru komite 12 novembru sira seluk hodi tau matan ba oan kian no feto faluk no mos ba saudozu nia dokumentus no nia direitu, tamba saudozu hetan ona medalha kondekorasaun maibe seidauk hetan nia direitu pensaun nian.
“hau sei hamutuk ho membru komite 12 novembru sira seluk hodi tau matan ba oan kian no feto faluk no mos ba saudozu nia dokumentus no nia direitu, tamba saudozu hetan ona medalha kondekorasaun maibe seidauk hetan nia direitu pensaun nian,tamba oan sira nia moris lao ba oin ami hotu nia respondabilidade no ami sei halo nia dokumentu dokumentu hotu nebe relasaun ho nia rezistensia no kontribuisaun ba rai ida nee sei failha ami membru organizasaun nian responsabilidade ami sei buka tuir too iha nebe para hetan nia direitu tuir lei haruka. nia medailha kondekorasaun simu iha 2012 maibe, too agora nia seiduak hetan nia pensaun sobre vivente nian.” Dehan Conceleiru Comite 12 Novembru Ponta Leste Jacinto da Costa
hatan ba kestaun nee Reprezentante Conceilhu Combatente Libertasaun Nasional Munisipiu Lautem Ricardo Pintu Lurdes mos afirma, dokumentus saudozu nian nee registadu ona no hetan ona verifikasaun husi conseilhu kombatetens, maibe bazea ba lei tamba nee wainhira saudozu nia naran hasai ona husi conseilhu mak conseilhu munisipal sei rekere saudozu nian nune nia bele hetan nia direitu.
‘’ dokumentus saudozu nian nee registadu ona no hetan ona verifikasaun husi conseilhu kombatetens, maibe bazea ba lei tamba nee wainhira saudozu nia naran hasai ona husi conseilhu mak conseilhu munisipal sei rekere saudozu nian nune nia bele hetan nia direitu,tamba saudozu nia dados ne’e nia registu iha tinan 2009 nian iha segundo registu no wainhira aban bain rua saudozu nia naran sai iha edital mak foin bele rekere saudozu nia direitu,tamba medailha nebe saudozu hetan ne’e liu husu komite 12 novembru nian ba kombatente nian nee bazea ba lei.” Tenik Reprezentante Conceilhu Combatente Libertasaun Nasional Munisipiu Lautem Ricardo Pintu Lurdes
Entretanto: conseilhu munisipal dos combatentes da libertasaun nasional mak sai mahon ba organizasaun rezistensia hotu no combatentes libertasaun sira hotu. no prontu nafatin fo atendimentu ba sira wainhira simu desizaun husi minis combatentes libertasaun nasional.
Jornalista;Veersisi
Editor;EL
