Lospalos rcl vp 11-11-2024 Profesores ba rejime kareira dosente, ne’ebé liu vaga bolsa kandidatura faze Daruak nian iha Comição Função Pública ka (CFP), ne’ebe liu husi Ministériu Edukasaun koloka mai iha Munisípiu Lautém hamutuk 50, ne’ebé aprezenta an ba Autoridade Munisipál Lautém, hodi bele hanorin estudante sira husi Ensinu Báziku, Primeiru Siklu, Segundu Siklu, no Edukasaun Pre-Eskolar iha area rural sira, iha Salaun Autoridade Munisipál Lautém.
Prezidente Autoridade Munisipál Lautém, Melio de Jesus iha Enkontru ne’e Hateten nia parte fó kongratula ba Professores sira, ne’ebé liu vaga bolsa kandidatura, iha Comisaun Funsaun Públika, ne’ebé hetan despaixu nomeasaun ba Professores nian, atu hanorin estudante sira iha área edukasaun,Tamba ida ne’e, estudante sira nia futuru sei di’ak, liu husi Professor/a sira, no edukasaun husi uma laran husi Inan Aman, maibé sai husi uma mai iha eskola hodi hetan edukasaun husi Professor/a sira ne’ebé sai manorin na’in, sei lori estudante sira ba dalan ne’ebé loos no lolos.
‘’ hau kongratula ba Professores sira, ne’ebé liu vaga bolsa kandidatura, iha Comisaun Funsaun Públika, ne’ebé hetan despaixu nomeasaun ba Professores nian, atu hanorin estudante sira iha área edukasaun,Tamba ida ne’e, estudante sira nia futuru sei di’ak, liu husi Professores sira, no edukasaun husi uma laran husi Inan Aman, maibé sai husi uma mai iha eskola hodi hetan edukasaun husi Professores sira ne’ebé sai manorin na’in, sei lori estudante sira ba dalan ne’ebé loos no lolos. No hau mos husu nafatin ba Professor/a sira matenek ne’ebé hetan iha nivel Edukasaun Sekundaria no Universidade tenke implementa matenek ne’ebé iha, tanba tuir Curiculum ne’ebé Edukasaun fó sai, atu eduka estudante sira, nomos enkoraja Professor/a sira nafatin hanorin estudante sira ho meneira ne’ebé atu eduka estudante sira atu sai matenek,Maske iha difikuldade barak intermus de infraestrutura ne’ebé laiha kondisaun ne’ebé favoravel, akomodasaun, Bee Moos, Transporte no sira seluk, maibé ida ne’e la’os dezafia no kestaun boot ida ba Professor/a sira atu hapara no laiha vontade, maibe profisaun nu’udar Professor/a mak knaar ne’ebé ho responsabilidade atu hanorin estusante sira’’ dehan Prezidente Autoridade Munisipál Lautém, Melio de Jesus iha Salaun Autoridade Munisipál Lautém segunda feira 11-11-2024
Entertanto; Prezidente Autoridade husu ba Professores sira, tenke atu adapta ho ambiente ne’ebé mak iha ho pasiensia, atu nune’e prosesu aprendisajen ba estudante sira lao nafatin .
Jornalista;sili
Editor;EL
