Lospalos rcl vp 14-11-2024 Ministeriu Saude Timor Leste serviso hamutuk ho Autoridade Munisipal Lautem Hodi Halao Kampanha Nasional ba Programa Planeamentu Familiar Ho Tema ” Kontente Ho Espasu Oan Tinan 3″ no Aktividade Ne’e Nudar Advokasia Iha Nivel Nasional, Regional, To’o Postu Administrativu Ho Objetivu Atu Kontribui Ba Redus Mortalidade Inan No Oan. Iha salaun IADE Munisipio Lautém
Oficial Programa Planeamentu Familiar Silvano Pedro De Jesus Amaral Hateten Objektivu Husi Programa Familiar Ne’e Oinsa Atu Halo Redus Ba Tasa Mortalidade Inan No Oan Inklui Mal Nutrisaun No Mos Oinsa Atu Fo Espasu Ba Feto Sira Atu Halo Aktividade Ho Diak Hodi Kontribui Ba Ekonomia Familia Nian.
” Liu Husi Advokasia Ne’e Atu Halo Redusaun Ba Numeru Mate Ba Inan No Oan Liu Husi Programa Planeamentu Familiar NO Planeamentu Familiar Iha Espasu Importante Katak Kontente Ho Espasu Oan Tinan Tolu. Bele Foo Ona Tempu Ba Inan Partus Para Iha Oportunidade Para Rekopera Nia Saude No Mos Oportunidade Atu Partisipa Aktividade Ekonomiku Familia Nian. No Bele Redus Ona Tasa Mal Nutrisaun Nian tamba Ho Porsentu Ne’ebe Boot To’o 47 % Nivel Nasional. Ida Ne’e Mos bele halo Intervensaun Ba Planementu Familiar nian ’’ hateten Oficial Programa Planeamentu Familiar Silvano Pedro De Jesus Amaral 14-11-2024
Entretantu;Tasa Prevalese Ka ( Cbr) Uju Kontrasepsi Iha Nivel Munisipiu Lautem Husi Fulan Janeiru Too Fulan Setembru Tinan Nee Iha 52 %, Atingi Ema Hamutuk 3.521, Entre 15 Anos Too 49 Anos no Ba Kada Postu Administrativu Performa Uju Kontrasepsi Diak Liu Iha Postu Lautem Ho 98%. Postu Luro 67 %, Postu Tutuala 25%, Postu Lospalos Atingi 22%.
Jornalista;vr
Editor;EL
