LOSPALOS RCL VP 21/11/2024 Laiha Fatin Propriu Ba Komunidade Postu Tutuala Munisipio Lautém Atu Faan Produtu local Tamba Merkadu Ne’ebe Lokaliza Iha Aldeia Vero, Suco Tutuala, La Funsiona ona Durante Tinan Sonolu Resin .
Abitante husi Postu Tutuala Munisipio Lautém Linda Da Costa Husu Ba Governu Liu-Liu ba Autoridade Maximo iha Munisipiu Lautem , Atu Tau Orsamentu Hodi Halo Konstrusaun Merkadu postu tutala nian Tamba Durante Ne’e ,Laiha Fatin Propriu Ba Sira Atu Faan Sira Nia Produtu Lokal Hodi Sustenta Oan Sira Nia Eskola.
” Durante Tinan 14 nia laran Ami labele Asesu Merkadu tamba Merkadu iha postu Tutuala nian la funsiona, Wainhira Ami Presija Hola Sasan Ruma,Ami Tenki Ba iha vila lospalos mak foin ami bele sossa buat ruma ne’ebe mak Ami presija ,Tan Nee Ami Husu ba Estadu atu bele Loke Merkadu ba Povu Tutuala nian , Nune Ami Bele Faan Ami Nia produtu loka sira ne’ebe mak iha, no Ami bele Sustenta Ami Nia Oan Sira Nia Eskola. Tamba Nee Ami husu nafatin ba nain ulun sira atu bele tau iha planu hodi bele halo kontrusaun ba merkadu tutuala nian ,nune’e ami bele faan Ami nia produtu lokal sira ho diak” .Dehan Abitante husi Postu Tutuala Munisipio Lautém Linda Da Costa nebe jornalista RCL hasoru iha Postu Tutuala Quinta feira 21/11/2024
Iha Sorin Seluk Abitante Lourenso Da Cruz mos Hatutan Postu Tutuala sai hanesan Potensialidade Ba Produtu Lokal sira atu bele Faan Iha Merkadu Maibe Laiha Fatin Propriu Ba Komunidade Sira Atu Faan.
” Postu Tutuala iha Fatin Turistiku Iha Mos Potensialidade Ba Produtu Lokal sira Hodi Ba Faan Iha Merkadu Maibe Laiha Fatin Propriu Ba Komunidade Sira Atu Faan Kona-Ba Merkadu Importante Tebes Ba Komunidade Sira Halo Negosiu Iha Laran Tamba Komunidade Iha Produtu Lokal Barak Mak Atu Faan Maibe Laiha Fatin Propriu Ba Sira Atu Faan.” Hateten Lourenso Da Cruz
Entertantu : Postu Tutuala Iha Produtu Lokal Mak Hanesan Ai-Farina, Feuk, Talas, Nu’u, Kami’i, Ikan, No Produtu Sira Seluk.
Jornalista;versi
Editor;EL
