Chefe Sentro Saude Internamento CSI Lospalos , Municipio Lautem hateten katak Falta de Kombustivel ba Kareta Multi Fungsaun , sei afeta ba Transportasaun Comunidade Sira nebe Moras iha Nivel Suco mai iha Centro Saude , nune`e Husu ba Administrasaun Municipio Lautem atu Tau atensaun ba asuntu ida ne`e.
Chefe Centro Sa`ude Internamento Lospalos Justino dos Santos liu husi Cerimonia Entrega Kareta Multi Fungsaun iha CSI Lospalos Quarta Feira ne`e hateten katak , dala Barak Centro Saude Internamento Lospalos afeta Problema kona ba Kombustivel , tamba kareta Multi Fungsaun ne`e la`os atu Fasilita Profesional Saude atu halo Programa , maibe hala`o mos Sirkulsaun hodi Transporta Ema Moras husi Suco mai Centro Saude .
Hatan ba Kestaun ne`e , Administrador Municipio Lautem Domingos Savio hateten katak , Wainhira CSI Infrenta Problema kona ba Mina , Ita tengki Husu ajuda ba Dirasaun Servisu Hotu iha Municipio Lautem hodi bele ajuda ho Urgente , nune`e ita bele hametin nafatin Koperasaun Servisu nebe diak .
Entretanto; Atu Dejenvolve Municipio Lautem , Servisu Municipal sira tengki Aplika Municipio Lautem nian Moto katak hamutuk Lautem Forsa , Forsa Hamutuk Lautem Bele.
JORNALISTA ; ERMELINDA DA SILVA PEREIRA
EDITOR; NASCIMENTO PROVINCIAL
