Lospalos RCL VP 06/11/2023 = Laiha Osan atu Selu Bis husi Dili Mai Lospalos , Estudante ne`ebe Estudu iha Ensinu Superior iha Dili , sei lá Partisipai ha Elisaun Suku ba Segundu Ronda nian , iha nia Aldeia ga Suku , iha Munisípiu Lautém , nune`e Hamenus ona Táxa Partisipasaun Elitór sira iha Munisípiu Lautém, tamba Husi Dili no Fila ba Dili, sei Presija Osan hodi selu Bis Ne’ebe transporta sira mai Munisípiu.
Estudante UNTL husi Munisípiu Lautém Adilson Fernandes ne`ebe Jornalista RCL Hasoru Iha Vila Lospalos Segunda Feira Ne’e Hateten, Eleisaun Segunda Ronde ne’ebe Sei Akontese Iha Loron Sanolu Resin Tolu Ba Fulan Ida Ne’e Sei Hamosu Impaktu Negativu ba Estudante sira husi Dili mai Vota iha Munisípiu , tamba Inan aman sira ho Ekonomia lá Estável sei gasta tan Osan ba sira hodi Viajen Dili Lospalos , no Lospalos Dili .
‘’ Núdar sidadaun Suku no Aldeia 1 iha Munisípiu Lautém Hau Kumpri ona hau nia Direitu de Votu ba Elisaun Suku ba dahuluk nian , ne`eduni ami sei fila hikas ba Dili hodi kontinua ami nia Estudu , hare husi Ekonomia Inan aman nian , dala ruma ami sei la partisipa tán Elisaun ba Segunda Ronda nian , tamba ami Mai sei Presija Osan Transporte , tamba Ami mai ona partisipa Elisaun dahuluk , Inan aman Gasta ona osan ba ami ho Monnte $40.00 ba Mai inklui Han Hemu iha dalan, karik Estadu kria kondisaun hanesan Elisaun Presidensian no Parlamentar nian hodi oferese Transporte gratuita ba sira , ne`ebe sei bele hasa`e táxa Partisipasaun Elitor nian , ba Elisaun Segundu Ronda nian.’’ Hateten Estudante UNTL Faculdade Agricultura Adilson Fernandes ba RCL Segunda 06-11-2023.
Husi sorin seluk Estudante UNPAZ Dili Arminda da Costa mos husu ba Kandidatu sira ne`ebe avansa ba Segundu Ronda, atu bele buka meius hodi aranja Transporte hodi bele fasilita Estudante sira husi Dili, mai Lospalos, hodi tuir Votasaun iha Elisaun Suku ba Segundu Ronda nian, tamba Eskola iha Nivél Superior presija osan lubuk ida.
‘’Ba ami ne`ebe hala`o estudu iha nivel Superior iha Dili ne`e , ami sente susar atu partisipa tán Elisaun Suku ba Segundu Ronda nian , tamba ami Mai ne`e ami gasta Osan ba no mai , ne`eduni ami husu ba Kandidatu sira ne`ebe Avansa ba Segunda Ronda nian , atu bele buka Meius , hodi bele aranja Transporte hodi bele fasilita Transporta ami Mai husi Dili no husi Lospalos ba hikas Dili , tamba , Inan aman sira gasta ona Osan ba ami hodi mai Ejerse ami nia Votu Elisaun suku iha Primeiu nian , no Segunda ronda nian ne`e , parese ami sei la partsipa ona , ne`eduni ami husu Deskulpa ba Kandidatu sira no ba Estadu Lokal tamba ami bele hamenus ona Táxa Partisipasaun ba Elisaun Suku ba Segunda Ronda nian .’’ tenik Arminda Da Costa.
Hatan ba Kestaun ida ne`e , Xéfe Suku Kakavei Atúal Mario dias Quintas, ne`ebe mós avnsa Segunda Ronda nian hateten , Elisaun Segunda Ronda ne`e la dun Importante ona tamba Votu ida mak liu Ida mos bele liu ona , nune`e ba Estudante sira ne`ebe Estuda iha Dili , ne`e depende ba Sira , tamba Estudante sira ne`e mak núdar Jerasaun foun ba Lideransa Atúal , no Sira nia Estudu ne`e Importante ba Futuru Dejenvolvimentu rai ida ne`e.
‘’Hau nudar kandidatu ida ne`ebe avansa ba segunda ronda nian , hau hanoin katak ne’e depende ba estudante sira no juventude no serbisu nain Sira Nebe Mak Iha kapital Dili , tamba ne’e ba iha eleisaun segundu ronde ne’e depende ba ita ida-idak nia hakarak , tamba primeiru ronde ne’e mak importante no segundu ronde ne’e mos importante mais la uja ona 50+1 Maibe Ida ne’e ema 1 ga 2 deit mos Liu Ona , Hodi ida ne’e ba oan sira ne’ebe mak Eskola iha kapital Dili, tamba konta mos kondisaun ekonomia no sei lakon material barak ona ba estudu rasik’’ hateten Mario Dias Quintas
Entertantu; Estudante Lautém Oan sira ne`ebe hala`o nia Estudu Nivél Superior iha Kapital Dili, Ejerse ona sira Direitu Votu iha Elisaun Primeiru nian, nune`e Oportunidade dá Rúak ne`e sira sei la partisipa ona, no ida ne`e hamenus Ona táxa Partisipasaun iha Elisaun dá Rúak nian, tamba sira nia Estudu mós ba Futuru Nasaun nian.
Jornalista ; CC
Editor ; NP
