RCL VP NEWS 29-09-2021
Consellho Combatetentes da Libertasaun Nasional ga CCLN Municipiu Lautem hamutuk ho Komunidade no Estudante sira iha Postu Administrativu Luro Municipiu Lautem tersa feira ne’e (28/09/2021),hala’o presta Homenagen ikus ba Saudozu Mauhunu Boilerek Karathayano Liu husi Missa agradesimentu no kari aifunan iha Postu Administrativu Luro Municipiu Lautem , atu relembra hikas Saudozu nia sakrificio no dedikasaun tomak ba Luta Libertasaun nasional.
Reprezentante CCLN Nasional Eujenio Ribeiro ga Asu Meta hafoin kari aifunan iha konsellho Dos herois da Patria Luro ba Jornalisra RCL hateten katak , Actividades Missa Agradesimento no kari aifunan ne’e bazea ba orientasaun husi CCLN nasional nian , hodi hanoin hikas saudozu Mauhuno nia sakrificio nebe dedika a’an tomak ba Luta independensia rai ida ne’e hodi bele sai nasaun Republika Demokratika Timor-Leste .
” Ami simu orientasaun husi ami nia prezidente conselho nasional nian a nivel nasional hot-hotu missa, ohin dia 28 de setembro, ami husu missa ida ne’e tamba husi regiaun um ponta leste ami lakon ami nia ema diak ida i liu-liu ba ami nia aman, ami nia maun bo’ot mauhunu ninia mate ba rai ida ne’e, i sira nia sakrificio ba rai ida ne’e, todan tebes, hakarak atu hatete ba ita bo’ot sira katak sira nia vida ida klosan, atu hatete deit sira la goza maibe sira goza mak sira nia terus, sira nia sakrificio hasoru dezafio boot ida hodi ohin loron rai ida ne’e sai Republika demokratika,” Asu Meta hateten ba Jornalista RCL Tersa feira ne’e.
Eujenio Ribeiro ne’e mos husu ba Juventude Rezistensia No Juventude sira iha Municipiu Lautem Tomak tenke kria nafatin paz no estabilidade hodi kontinua luta ba rai ne’e nia dezenvolvimentu iha futuru oin mai .
” husu nafatin ba juventude rezistensia sira liu-liu ba imi klosan sira nebe que foin sae sira, husu para imi buka hatetene, estuda buat nebe ke lala’ok ami nian keta dalaruma la diak karik husik hela ho ami, ida nebe ke diak kaer ba hodi hala’o rai ida ne’e, importante maka estabilidade, siguransa estabilidade, paz, dame ba ita nia rai doben ida ne’e espesial liu ba imi juventude sira iha Regiaun Um Ponta Leste nian, ida ne’e ami nia hakarak,” Asu Meta haktuir.
Entertantu : processo kari aifunan iha Konselho dos Herois da Patria Luro ne’e hetan partisipasaun maximu husi komunidade , estudante ,Autoridade postu Luro nian , conselho veteranos Municipiu Lautem , Instituisaun Religioju no entidades sira iha Postu administrativu Luro .
Jornalista:ito
Editor:Nascimento Provincial
