RCL VP NEWS 25/10/2021
Estudante Universidade de Timor Leste ga UNTL Fakuldade Ciensia Sosiais , Semana kotuk hala`o sira nia Estagio iha Suco Leuro , Posto Administrtivo Lospalos , Municipio Lautem ho Objetivo atu hasa`e Amizade no hatene diak liu tan Kondisaun Moris Comunidade iha Actividades Servisu Sosiais Durante Fulan 2 , nebe hahu ona iha Loron Rua Nolu Resin Ha`at Fulan Outubro , no sei Remata iha Loron Sanolu Resin Lima Fulan Dejembro Tinan ida ne`e (14/10 – 15/12/2021).
Chefe Equipa Estagiario UNTL Fakuldade Ciensia Sosiais Natasia Francisca da Costa Gomes ba Jornalista RCL Iha Suco Leuro Segunda Feira 25/10/2021 Ne`e hateten katak , Alende Ransu Amizade Entre Estudantes ho Komunidade , Estagiario sira ne`e mos sei ajuda Suco Leuro nian hodi Dejenvolve Monografia , Demografia no Strutura Suco nian nebe Durante sida`uk Diak , nune`e mos sei halo actividades Sosiais sira seluk iha area Ambiental .
Natasia mos Informa tan katak , Aktividades Seluk nebe Estagiario sira Kria iha Suco Leuro mak , sei Estabele Fatin Lixu , Hari`i Munumento Benvido no Actividades Desportu sira seluk , tamba liu husi Aktvidades hirak ne`e bele Cria Ransu Amizade iha Komunidade nia Le`et .
‘’ Ami nia Tipu Actividade nebe mak ami sei halo iha Suco Leuro ne`e , Ami hakarak atu Dejenvolve Monografia ,Demografia no Strutura Suco Leuro nian nebe durante ne`e sida`uk diak . Amio mos hakarak kria Fatin Lixu iha Suco Leuro no hasa`e Konyesimento Komunidade nian oinsa bele Soe Lisu iha nia fatin hodi Kria Ambiente Saudavel , Aktividade sira seluk mak Ami sei halo Monumento Benvindo ida iha Suco Leuro no ami mos hakarak anima Comunidade liu husi Desporto Basket ball no Voley ball , atu hametin Ransu Amizade ho Komunidade Sira iha Suco Leuro ne`e , no Aktividades hirak ne`e Planeiado ona hafoin ami Konsulta ho Chefe Suco no Konselu Suco iha Suco ida ne`e ‘’ Informa Natasia Francisca da Costa Gomes.
Natasia Francisca da Costa Gomes mos Deklara katak , Nudar Estudantes iha Teoria Aprende iha Akademika no iha Pratika hakarak atu tu`un Direita ba Comunidade sira nia le`et , hodi Aprende hamutuk , nune`e bele aumenta sira nia Konyesimento diak liu tan iha Futuru .
Natasia mos Agradese ba Lideres Comunitario no Komunidade Suco Leuro tomak , tamba Bele simu ona sira hodi fo ona Espasu ba Estagiario sira atu hala`o sira nia Aktividades Durante Fulan Rua nia laran , no agradese mos ba Fasilidades balun nebe Komunidade sira Oferese ba sira atu sira bele hamahon A`an .
‘’ Ami hato`o ami nia Obrigado no Agradese Wa`in ba Comunidade Sira tamba bele simu ona ami nia Prejensa iha Suco Leuro , maske Buat nebe mak ami lori dala ruma mos la tuir ita bo`ot sira nia hakarak , maibe ida ne`e mak ami nia Kbi`it no Obrigado barak mos ba Amizade Comunidade nia nebe diak tebes tamba bele Fasilita buat nebe mak sira iha maske la barak , no hau husu ba Estudante sira atu labele lakon esperansa , tamba ita hatene katak buat hotu sei la`o ho prosesu no ita sei la`o hamutuk ‘’ Deklara Natasia .
Alende ne`e Chefe Suco Leuro Carlito Viegas Sente Orguilho ho Prejensa Estudantes UNTL Iha nia Suco , tamba ho sira nia Prejensa Comunidade sira bele Aprende buat nebe ruma husi Estudantes sira ,no sei kria Koperasaun metin ho Estudante sira durante Fulan 2 nia laran .
‘’ Nudar Autoridade Masimo iha Suco Leuro hau agradese no Orguilho ho Prejensa Enstudantes UNTL Sira iha hau nia Suco , no durante hau nia Mandato Estudantes Universidade sira dala 2 ona halo Estagio primeiro husi UNITAL no UNTL ne`e ba dala 2 , hau mos agradese ba Sira nia Prejensa iha Komunidade nia le`et hodi hare Direito Komunidade nia Moris nune`e mos ajuda ona buat balun nebe tuir sira nia Kbi`it no matene nebe sira iha ‘’ Dehan Chefe Suco Leuro.
Entertanto; Total Estudantes Universidade de Timor Leste ga UNTL Fakuldade Ciensia Sosiais nebe hala`o Estagio iha Suco Leuro hamutuk na`in 18 nebe fahe Departamento sira mak hanesan Departamento Administrasaun Publika , Comunikasaun sosial , Relasaun Internasional , Politika , no Departamento Dejenvolvimento Komunitario .
