Saturday, March 2, 2024
spot_img
HomeFoto GaleriaAhi Mate  Iha Lautém , Tamba Tékniku Sira Sei Halo Manuténsaun.

Ahi Mate  Iha Lautém , Tamba Tékniku Sira Sei Halo Manuténsaun.

Lospalos RCL VP Segunda 05/02/2024 = Xéfi Unidade Eletrisidade de Timor Leste , Empréza Públika , EDTL-EP Munisípiu Lautém , Sikito dos Santos Segunda Feira ne`e Infórma , Ahi ne`ebe mate Lakan Durante Loron Rua iha Munisípiu Lautém , tamba dada`un neé , Tékniku EDTL-EP , hala`o hela Manuténsaun iha Sub Estasaun Lospalos nian , hodi bele Fornese Eletrisidade ho diak iha Futuru.

Iha nia Servisu fatin , Sikito dos Santos hateten tán , Sub Estasaun EDTL Lospalos , Munisípiu  Lautém ne`e Ejisté Kuaze tinan Sanolu resin Rua ona , nune`e Présija halo Manuténsaun , tamba Husi Sub Estasaun ne`e mak fornese Ahi Eletrisidade ba Munisípiu Lautém nia laran tomak.

’Ahi Mate lakan durante Loron 2 Iha Lautém ne`e , tamba Dada`un ne`e Tékniku EDTL-EP Nasional , hala`o hela Manuténsaun ba Sub Estasaun Eletrisidade Ne`ebe lokalija iha Lospalos , Munisípiu Lautém, tamba Kuaze Tinan 12 Hahu husi Dezembru 2012 – to`o agora , ne`eduni nia Ekipamentu sira balun Kaluk oituan ona , nune`e Halo Manuténsaun no tróka Ekipamentu Balun , atu nune`e bao in bele dura nafatin hodi bele Fornese Enerjia ho Diak , tuir Ordén ne`ebe iha.’’ Hateten Xéfi Unidade EDTL-EP Munisípiu Lautém , Sikito dos Santos ba Jornalista sira Segunda Feira 05/01/2024.

Nia mós Konfésa , lolos durante Prosesu Manuténsaun Sub Estasaun nian , Ahi sei Mate Oras Rua nolu resin Haát nia laran , durante loron Sanolu , Hahu husi loron Rua to`o loron Sanolu resin Rua , maibe tamba Nesesidade hotu Ahi bele lakan , maske la to`o Oras Rua nolu resin Haát.

‘’Hau hakarak Deklara sai katak , lolos Prosesu Manuténsaun La’o , Fornesementu Ahi Eletrisidade Paradu total Oras 24 , Durante loron 12 , Maibe tamba Nesesidade , Parte EDTL-EP Desidi kontinu Fornése nafatin Enerjia ba nia Kliente sira iha Munisípiu Lautém , maske la to`o Oras 24 hanesan bain-bain, mais Pelumenus sei bele fornese Ahi , ne`eduni Husu ba Kliente ne`ebe Emprezariu no Negosiante sira , atu ita labele fó Kulpa ba Malu tan de`it Ahi mate lakan , maibe Pasensia hodi simu Situasaun ne`ebe ita Infrénta , Ami mós sei la taka matan ba ida ne`e , maibe ami mós kontinua Esfórsu hodi nafatin Fornese Enerjia ba Kliente sira.’’ Dehan nia.

Entretantu; Dada`un ne`e tékniku EDTL-EP Nasional, Kontinua Servisu Manutensaun iha Sub Estasaun EDTL-EP iha Lospalos, Munisípiu Lautém , no Prosesu Manuténsaun ne`e sei la`o durante Semana 2 nia laran.

 

Jornalista ; Syda

Editor ; NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x