RCL VP NEWS 23/11/2021
Chefe Centro Sa`ude Internamento Lospalos , Municipio Lautem Tersa Feira 23/11/2021 ne`e hateten katak , Dadaun ne’e, Komunidade sira iha Municípiu Laútém , liu-liu iha Postu Administrativu Lospalos hahu barak ba simu Vaksinasaun Covid-19 ne’ebé La’o iha Municípiu Laútém , inklui centro Saúde Intreinamentu Lospalos , tamba hatene ona importansia husi Vasinasaun refere.
Chefe Çentro Sa`ude Internamentu Lospalos, Justino Dos Santos ba Jornalista RCL iha nia servisu fatin Tersa feira ne’e hatete, Partisipasaun Komunidade ba Programa Vasinasaun Covid-19 iha Centru Saúde refere , Aumenta ba bebeik tamba komunidade barak mak Informadu ona kona ba Importansia Vasinasaun ne`e rasik .
“Komunidade nia partisipasau ba vaksinasaun kovid19 ita hare ema mai barak tan, porque uluk ne’e sira sei duvida katak ida ne’e orsida sona ita hanesan tinan 1 ita mate ou hanesan be’e Aimoruk ida ne’e laos bee atu prevene moras ida ne’e, maibe agora komprende ona tamba vaksinasaun ida ne’e bele prevene kovid19 entaun hodi nune’e partisipasaun ba komunidade agora mai ne’e barak liu tan iha Centro Saúde Intreinamentu Lospalos,” Dehan Justino Dos Santos ba Jornalista RCL iha nia servisu fatin Tersa feira ne’e.
Justino ne’e mos haktuir, La’os iha Centru Saúde ida ne’e deit maibe iha suku sira mos komunidade barak mak partisipa ba programa vaksinasaun refere ne’ebé hala’o husi equipa Saúde sira iha terenu.
“Vasinasaun ne`e Alende la`o iha Posto Vasinasaun sira nebe Estabele , Ami nia Equipa mos Tu`un Direita ba Tama Uma sai uma Komunidade Sira nian iha Nivel Suco no Aldeia , hodi Fahe Inforasaun ba Comunidade Sira ,Nune`e Comunidade hotu-hotu bele hetan Vasinasaun Covid-19 ,porque sira komprende ona katak vaksinasaun ida ne’e bele prevene moras Covid-19 ,” haktuir Justino Dos Santos.
Entertantu: Justino dos Santos ne’e mos husu ba Komunidade sira iha Municípiu Laútém ne’ebé seidauk simu vaksinasaun Covid-19 atu bele hakbesik a’an ba centro Vaksinasaun ne’ebé besik hodi simu vaksinasaun atu nune’e bele hasae imunidade antes hasoru Covid-19.
Jornalista:ito
Editor:Nascimento Provincial
