LOSPALOS RCL VOX POPULY 16-05-2023 = Obra Rehabilitasaun Rejidensia Administrador Munisipiu Lautèm ne`ebe responsabilija husi Kompañia Marvong Unipessoal Lda iha Munisipiu Lautèm , tuir planu sei termina no sei Entrega iha Loron Rua nolu resin Walu Fulan Agostu , rihun Rua , Rua nolu resin Tolu (28/08/2023), tamba ba dada`un ne`e hela de`it Instalasaun Lampu
Diretòr Kompañia Marvong Unipessoal Lda Martino Vong ba Jornalista RCL Tersa feira ne`e hateten , nia Parte fiar katak , loron Rua nolu Resin Walu Fulan Agostu tinan ida ne`e,nudar loron terminasaun ba Projèto Rehabilitasaun Rejidensia Administrador Munisipiu Lautèm , no sei entrega iha loron ida ne`e kedan ba Na`in Projeto
Martino Vong mòs hateten , Prosesu tomak remata ona , maibe hein de`it Prosesu Instalasaun Lampu Eletrisidade , no nia Parte sei Esforsu hodi Entrega ona Obra ne`e ba Na`in Projètu iha Loron ne`ebe Marka ona .
‘‘Durante Ne’e Ami Kontinua hala`o Ami nia Servisu hodi halo Obra Rehabilitasaun Rejidensia Administrador Munisipiu Lautèm nian , no Prosesu tomak hotu ona no sei entrega iha Loron 28/08/2023 ba Governu Atu Inagura , Kona ba Uma hela de`it Instalasaun Eletrisidade no Moru mak seidauk finalija , Maibe ami sei esforsu nafatin Finalija moru nebe halo dadauk. Falta Lampu Eletrisidade mak seidauk Monta , tamba Material Eletrisidade , ami Hola iha Nasaun Indonesia no seidauk to’o mai Timor Leste , hodi ida ne’e ami sei hein maibe iha fulan junho nia laran ne’e lampu ne’e lori mai ona hodi ami bele monta ,no kona ba Moru nian mak seidauk finalija maibe iha tempu badak nia laran , ami sei finalija ,tamba ami promote Loron 28 Fulan Agustus Tinan 2023 ami tenke entrega ona ba Administrador Munisipio ’’hateten Director kompanha Marvong Unipessoal LDA Martinho Vong (16-05-2023)
Entertanto; Osamentu ba Rehabilitasaun Uma Rezidensia Administrador Municipiu Lautem hamutuk $252,053.84 no osamentu hirak ne’e sai pakote ida deit hodi rehabilita ba Uma Rezidensia ,Moru no Jardin
Jornalista;sisi
Editor;NP
