RCL VP NEWS 30/11/2021
Comando Polisia Nasional Timor Leste , PNTL Municipio Lautem , Husu ba Povu Iha Municipio Lautem , atu Kopera malu hodi Asegura Situasaun iha loron Natal no Tinan Foun , nebe Sei Mai , tamba ita hotu Presija Kria Domin no Dame iha Fulan Dezembro tinan ida ne`e .
Segundu Comandante Polisia Municipio Lautem Pascual Guteres liu husi Talkshow Radio iha Estasaun Radio Lospalos Tersa Feira 30/11/2021 ne`e hateten katak , Atu Kria Situasaun nebe hakamatek iha Loron Natal no Tinan Foun tinan ida ne`e , Comunidade Engeralmente tengki kopera ba malu , hodi asegura Siguransa ba ida-idak nia a`an no iha Comunidade nia Le`et , tamba ita nia Kontribuisaun tomak , mak bele Kria Pas no Dame .
Autoridade Seguransa iha Municipio Lautem ne`e mos hateten katak , Waihira ita Hamutuk ona nudar Forsa Ida iha Municipio Lautem , Situasaun sei la`o ho Kontrolado , nune`e Husu nafatin ba Komunidade sira atu bele Kopera ho parte PNTL husi Kria Estabilidade .
‘’ Ami Polisia Municipio Lautem Husu ba Komunidade Engeral iha Municipio Lautem , atu Kria Koperasaun diak , tamba Wainhira Forsa ida mak Hamutuk , Konserteja Pas no Domin sei Mosu iha ita le`et , no bele Preven Konflito no Krime sira nebe Mosu , tamba ne`e Komunidade Sira hotu tengki Kopera ho Ami PNTL Municipio Lautem hodi Divulga no Fahe Informasaun Pojitivu sira kona ba Estabilidade no Pas , liu husi ita nia Hamutuk ita bele kontribui ona ba Prosesu Dejenvolvimento iha Rai laran ‘’ Afirma Segundu Comandante Polisia Municipio Lautem Pascual Guteres liu husi Talkshow Radio iha Estasaun Radio Lospalos Tersa Feira 30/11/2021 ne`e.
Entretanto ; Atu Asegura Seguransa iha Rai Lautem , hodi hakmatek no Trakuilidade nia laran , la`os deit Parte Polisia nia Servisu de`it , maibe ne`e Povu tomak nia Servisu , tamba Ema ida-idak Presija moris ho hakmatek no Prosperidade.
Jornalista:SdC
Editor:Nascimento Provincial
