Saturday, June 15, 2024
spot_img
HomeFoto GaleriaComunidade  sente  kontente Tamba Postu Lospalos bele Organija Selebra loron Aniversario Proklamasaun...

Comunidade  sente  kontente Tamba Postu Lospalos bele Organija Selebra loron Aniversario Proklamasaun RDTL Nian .

RCL VP NEWS 29/11/2021

Maske loron 28  de novembro ne’e   sai loron  nebe  importante    ba  nasaun  Timor  Leste  tamba  ema  barak  fo  an tomak  nia ran  no ruin  mak foin ita  bele  ukun ,no  liu  husi  loron importante  ida  ne’e  comunidade  mos sente  kontente  no triste  tamba  comunidade  balun  mos ladun  iha partisipasaun  maximo  ba  loron istorico  ida  ne’e ,

Chefe  Sucu  Lore  Primeiro  Abilio Amaral nebe  jornalista  RCL  hasoru  iha  kampu da  independensia  dominggo  ne’e  hateten  katak , maske  loron vinti oitu  ida  ne’e  loron  nebe  importante  liu ba  nasaun timor  leste,  maibe povu  munisipio  lautem  liu-liu  iha  postu  administrativo  lospalos  ladun  iha  partisipasaun  nebe  maximo  tamba  orsamento  nebe  limitado  ba loron  vinti  oitu  ida ne’e  no comunidade  iha  kada sucu  nebe pertense  iha   postu  lospalos  ne’e  mos   laiha  informasaun  hodi  partisipa  ba loron istorico  ida ne’e.

“ Hau  hanoin  vinti oitu  ida ne’e  ladun  iha   Partisipasaun   Comunidade  nebe  maximo  tamba  ho  orsamento  nebe  limitado  hodi  nune  ita  labele  mobilija  ita  nia  comunidade  atu  mai  partisipa  iha  seremonia  28/11/2021  ida ne’e, Hau   nudar  Lider  Suco  Lore Primeiro  , hau  sente  triste ,  tamba  iha  loron ida  nebe  importante   liu  , maibe   partisipasaun  comunidade  ladun  maximo  tamba  ida  ne’e  hau  husu  ba lider  local sira  karik  bele  iha futuru  bele  hadia  hotu ida  ne’e ,  atu  nune  halo eventu  boot  ida  involve Komunidade Sira hotu iha area Juridico Postu Administrativo Lospalos nian ”  Dehan Chefe Suco Lore 

Iha  sorin  seluk  Comunidade  iha husi  suco  Soru  Valentina  Jose  da  Fonseca  mos  hateten  katak , maske  Loron Vinti  Oitu  ba Munisipal  nian halao  iha  Postu  Administrativo  Lautem  , maibe  nia parte  mos sente  kontente  no orguilho  tamba  seremonia  loron  istorico  ida  ne’e  mos  bele  halao  iha  Postu  Administrarivo  Lospalos   hodi  bele Halao Serimonia Isar no Arear da Bandera RDTL maske ho Simplesmente .

“Hau  orguilho  no  kontente  tamba  bele  partisipa  seremonia  de  ishar  da  bandeira  ba comemorasaun  vinti  oitu  de novembro  ba  tinan ida  ne’e  ho rajaun  katak,halibur  hamutuk  iha  seremonia  ishar  da  bandeira  ida  ne’e  ita  bele  hanoin fila  fali  ba luta   nain sira  nia sacrifisio  tamba  halao  seremonia ida ne’e  iha  parte  rua  ida  iha  postu  administrativo  lautem  ida  iha   postu  administrativo  lospalos,maibe  hau  hanoin  ne’e  iha  tinan  oin  bele  konvida  comunidade  hotu-hotu  hodi  partisipa  ba eventu  hanesan   ne’e  valentina  dehan’’

Iha  parte  seluk   Reprejentante Sosiedade Civil Municipio Lautem Rita  Kolisei  Amaral  Fernandes mos hateten  katak , Nudar Sociedade Civil ,sente  kontente tebes , tamba  nudar  sidadaun  ida  tenke  fo ondra  no  gloria  ba  ita  nia  heroi  da  patria  sira  ba Eventu  vinti oitu  de novembro  ida ne’e.

‘’Hau  sente  kontente  tamba  bele  hola  parte  mos  ba seremonia  vinti  oitu  ida ne’e  tamba  ita bele fo ondra  no gloria  ba heroina  da  patria  sira  liu  husi  eventu  vinti  oitu  de novembro  ida  ne’e, Hau mos  husu  nafatin  ba parte  nebe  relevante  Atu iha Tinan Oin  , Lider  Local  sira  tenke  fo  informasaun  ba Comunidade  Sucu  hotu  iha  Postu Administrativo  Losplos  ida ne’e , nune`e bele Harame diak liu tan Loron Imprtante ida ne`e .

Entertantu:Maske Serimonia Celebrasaun iha Postu Administrativo Lospalos ida ne`e la`o ho Simplesmente , maibe La`o ho Susesu , no hakarak Informa mos Katak , Juventude Sira Organija Malu hodi hatudu sira nia Talento hodi harame Evento Importante ida ne`e liu husi , Halai Motor Cros .

Jornalista:syda&Linda,ito

Editor:Nascimento Provincial

 

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x