Saturday, April 20, 2024
spot_img
HomeFoto GaleriaCVTL Laútém sei realiza aktividade JUPRO iha Suku Com

CVTL Laútém sei realiza aktividade JUPRO iha Suku Com

RCL VP NEWS 01/12/2021

Cruz Vermelha De Timor-Leste (CVTL) Filíal Municípiu Laútém sei Realiza Interkambiu Juventude Proaktivu (JUPRO) iha Suku Com, Postu Administrativu Laútém Municípiu Laútém, hodi bele hametin relasaun  diak entre Juventude Cruz Vermelha De Timor-Leste no organizasaun Umanitariu refere.

Aktividade JUPRO ne’e sei hala’o durante loron tolu , Hahu Husi Loron Sexta Feira no Sei Remata iha Loron Dominggo Fulan Dejembro Tinan ida ne`e (3-5 / 12 / 2021) .

Kordenador CVTL filial Laútém, Luis Manuel Pereira Ba Jornalista RCL iha nia knar fatin quarta feira ne’e hatete, objektivu husi aktividade JUPRO ne’e atu apoiu juventude hodi hatudu aksaun pozitivu ba Processsu Dezenvolvimentu iha a nivel Municipiu no oinsa Juventude sira nafatin kontenti hodi tuir nafatin aktividade Cruz Vermelha De Timor-Leste nian.

“Objektivu husi aktividade JUPRO ne’e, primeriu mak apoi juventude sira oinsa bele hamosu aksaun pozitivu atu kontribui ba dezenvolvimentu, depois segundu nian mak juventude sir abele hasoru malu no kontente hodi tuir aktividade Cruz vermelha nian, terceiru nian mak Voluntario sira bele aproveita diak naureza ne’ebé ita deside ba no tuir fali mai mak oinsa Juventude sira bele fahe esperiensia ba malu,” dehan  Luis Manuel Pereira Ba Jornalista RCL iha nia knar fatin quarta feira ne’e.

Luis Manuel ne’e mos haktuir, aktividade sira ne’ebé atu hala’o Iha Interkambio ida ne’e mak hanesan, hala’o  Desiminasaun informasaun kona-ba Protesaun Labarik, prevensaun kovid19, partisipasaun Vaksinasaun no HIV SIDA, BA Juventude sira no mos atu estabelese fatin lixu ida iha Fatin Turizmu Umun Ira Suku Com.

“ Aktividades ne’ebé ita atu hala’o mak hanesan fahe informasaun kona-ba Protesuan Labarik nian, no mos ita sei konvida parte saude sira atu mai fahe mos informasaunliu-liu liga ba Pandemia kovid19, sira sei fahe mos informasaun ne’ebé liga ba  vaksinasaun tamba ita iha juventudes balum ida 17 mai karik entaun oinsa sir abele partisipa  ba vaksinasaun ne’ebé mak dadauk guvernu hala’o liu-liu vaksinasaun PiFizer nian, husi saude mos sei fahe informasaun kon-ba HIV SIDA ba ita nia juvenmtude sira atu ne’e sir abele hatene diak liu tan saida mak HIV SIDA no mos iha servisu socias balum ne’ebé mak hanesan ita sei ba Monta Fatin lixu iha fatin turistiku Umun Ira iha Com,” Luis Manuel Haktuir.

Entertantu : Interkambiu JUPRO ne’ebé sei organija iha Suku Com, Postu Administrativu Laútém Municípiu Laútém ne’e hetan apoiu Fundu husi Sekretariu Estadu Juventude e Desportu ho montante orsamentu Rihun ida neen nolu resin rua dollares amerikanu ($ 1062).

Jornalista ; ito

Editor ; Nascimento Provincial

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x