RCL VP NEWS 09/12/2021
Director Ensinu Baziku Central Lere Anan Timor Kainleu, Postu Administrativu Iliomar Municípiu Laútém hatete, Estudante finalista husi eskola refere , prontu ona atu partisipa iha Ezame Nasional ba tinan ida ne`e , ne’ebé mak sei Realiza iha loron Sanolu resin Tolu fulan Dezembru tinan ida ne’e (13/12/2021), tamba eskola ne’e hahu fo ferias ba Estudante sira hodi estuda iha uma.
Lia hirak ne’e hato’o husi Diretor EBC Lere Anan Timor Kainleu Postu Administrativo Iliomar, Anibal Fransisco da Silva ne’ebé jornalista RCL hasoru iha Salaun Edukasaun Municípiu Laútém Quinta Feira semana ne’e (09/12/2021).
Director EBC Lere Anan Timor Kainleu ne’e mos informa, Estudante finalista sira ne’ebé preparadu ona atu partisipa Ezame Nasional tinan ida ne’e hamutuk Atus Ida Ruanolu resin Rua (122) tamba Eskola refere distribui ona Referensia balun ba Estudante sira hodi estuda iha uma,
“Labarisk sira ne’ebé atu tuir ezame nasional ne’e 122 pessoas ne’e sira preparadu ona hodi tuir ezame nasional, kona-ba materia ga disciplina ne’ebe labarik sira atu hala’o iha ezame nasional ne’e mai husi Nasional no fahe ona ba eskola sira iha teritoriu timor-inklui eskola refere, no kada professores fahe hikas ona ba estudante finalista sira, atu estuda iha uma hodi tuir ezame nasional ne’ebé sei hahu iha loron 13-18 de Dezembro 2021 ,” hatete Anibal Fransisco Da Silva ba jornalista RCL iha Salaun Edukasaun Municípiu Laútém Quinta ne’e.
Anibal Fransisco ne’e mos akrecenta katak, maske situasaun kovid19 ne’ebé prejudika Ensinu Aprendijagen iha Eskola refere maibe, Estudante finalista sira pronto nafatin hodi hatudu rezultadu ne’ebé diak iha Ezama Nasional tinan ida ne’e.
“Normalmente tinan-tinan iha 2019 ba kotuk la iha Covid mos sira preparadu, agora Kestaun mak afetadu ho kovid19 maibe pronto ne’e la signifika, sira ne’ebé la preparadu maka ne’e alternative, maibe sira preparadu seihatudu rezultadu diak iha Ezame Nasional,” Anibal akrecenta.
Entertantu : Ezame Nasional ba Anu Lektivu 2021 ne’e , Eskola sira iha Teritoriu Timor-Leste inklui Municípiu Laútém sei realize iha loron 13 fulan Dezembru no sei remata iha loron 18 fulan Dezembru Tinan ida ne’e.
