Monday, April 22, 2024
spot_img
HomeFoto GaleriaFinalizasaun ba prosesu konstrusaun UKL iha Laútém Tarde Liu

Finalizasaun ba prosesu konstrusaun UKL iha Laútém Tarde Liu

RCL VP NEWS 14/12/2021

Diretor Programa Nasiónal Dezenvolvimentu Suku (PNDS) Municípiu Laútém informa, Prosesu konstrusaun Uma Ba Kbi’it La’ek (UKL) iha MUnicípiu Laútém ne’ebé hahu konstrui iha Fulan Agustu to’o agora seidauk Finaliza ne’e tamba kauza husi Situasaun Pandemia Covid-19 no Mudansa Klimatika ne’ebe akontece daduk iha Nasaun ida ne’e.

Diretor PNDS Municípiu Laútém, Alcino da Silva ba Jornalista RCL iha nia knaar fatin Tersa Feira 14/12/2021 ne’e hatete, Servisu PNDS Municípiu Laútém kontinua infrenta Problema Rekursus Umanus no Fornesimentu Material ba Konstrusaun nian mos tarde, hodi nune’e Difikulta tebes ba Processu  Konstrusaun UKL nian iha Municípiu Laútém.

“Maibe ita mos iha difikuldade kona-ba fornecedor ne’ebé supply material Konstrusaun , depois Kondisaun I klima mos hanesan fo impaktu ida, ita mos hatene katak ita nia tradisaun iha Municípiu Laútém mos ita haree ba numeru Mortalidade ne’ebé aas liu , ne’e mos hansan Dejafiu ida ba Prosesu konstrusaun, ida razaun seluk, staff sira ne’ebé ita atu koloka ba mos seidauk suficiente ne’ebé atu halo monitorizasaun ne’e mak difikulta tebes ba iha processu implementasaun,” dehan Alcino da Silva ba Jornalista RCL iha nia knaar fatin Tersa Feira ne’e.

Alcino  ne’e mos haktuir, Maske Servisu PNDS Municípiu Laútém infrenta problema refere, maibe sira garantia katak, Processu Konstrusaun ba UKL iha Postu administrativu balum sei Finaliza iha Fulan Dezembru tinan ida ne’e tamba iha Postu balum atinge ona Purcentu hitu nolu resin lima (%75).

“ Ita garante katak la totalmente maibe iha Postu balu-Balum ita bele Finaliza iha fulan Dezembru ne’e nia laran tamba Postu balum atinge ona Purcentu hitu nolu resin lima (%75) no tuir Tame Line ne’e, hakarak ka lakoi tenke finaliza iha fulan ida ne’e nia laran atu nune’e bele hein fali servisu seluk husi nasional,” Alcino da Silva haktuir.

Entertantu : ba dadaun ne’e, processu Konstrusaun ba uma KBi’it Laek (UKL) iha Postu Administrativu Iliomar atinge ona % 75, Postu Administrativu Lautem  % 52, Postu Administrativu Luro % 46, Postu Administrativu Lospalos %45 no Postu administrativu Tutuala atinge ona  % 43.

Jornalista:ito  

Editor:Nascimento Provincial

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x