RCL VP NEWS 16/12/2021
Equipa Ministeriu Saude Liu husi Departamentu Saúde Mental Quinta feira 16/12/2021 ne’e, Oferece formasaun kona-ba abilidade Pisikosocial Baziku ba Profesional Saude sira iha Salaun IADE Municípiu Laútém , atu nune’e bele iha Koñesimentu diak hodi atende komunidade sira ne’ebé stress iha Tempu Pandemia Kovid19.
Xefe Sesaun Nasional Saúde Mental, Geovania Isabel ba Jornalista RCl iha Salaun IADE Municípiu Laútém hateten, Relasiona ho Pandemia Covid-19 ne’ebé sai Preokupasaun bo’ot ba Mundu Tomak inkliu Nasaun Timor-Leste, hodi nune’e Organizasaun Mundial Saude apoiu Orasamentu Makas ba Programa ida ne’e , hodi fasilita Pessoal Saude sira prepara a’an didiak hodi atende Komunidade sira ne’ebé Trauma ho Pandemia ida ne’e.
“Covid-19 ne’e doko Mundu tomak inklui iha ita nia rai ne’e , entaun iha ne’e ema hotu-hotu iha nasaun loke matan hodi haree ba katak ho pandemia ida ne’e ema hotu traUma liu-liu pesoal; saude sira, hodi nune’e ami hanoin suporta husi Organizasaun Saude Mundial apoiu maka`as orsamentu ba Sesaun Saude mental , hodi halo orientasaun ida hanesan abilidade pisikocial baziku ba pesoal saude sira, oinsa bele prepara a’an hodi nune’e bele ajuda ema seluk,” Geovania Isabel ba Jornalista RCl iha Salaun IADE Municípiu Laútém Quinta feira ne’e.
Geovania Isabel ne’e mos haktuir, Iha Formasaun ida ne’e, Profesional Saúde sira sei APrende kona-ba abilidade Psikosocial Baziku, Oinsa komuniadade sira iha saude diak, Prevensaun Stress no Primeru Sokorus ba Psikosocial.
“ Formasaun ida ne`e Ami komesa orseik no ohin loron, loron rua nia laran , ami oreseik fo ona mak abilidade Psikosocial Baziku, oinsa imi nia moris diak no ohin loron nian mak Termos stress no primiru sokoros ba Psikosocial nian,” Geovania Isabel haktuir
Entertantu : Geovania Isabel hatete, Total Fundus ne’ebe Organizsaun Mundial Saude Apoiu ba Formasaun ga Programa ida ne’e iha kada Municipiu hamutuk kuaze Rihun ida resin.
Jornalista:Ito
Editor:Nascimento Provincial
