RCL VP NEWS 21/12/2021
Maske Uma Adat Lospalos Sai Icon ba Munisipio Lautem no nasaun Timor Leste nian , Maibe Ema Inresponsabilidade Sunu Ona , Nune`e Aikon ba Municipio no Nasaun sei lakon Le`et wainhira Governo la Rekonstrui hodi hatudu Hikas identidade Cultura Iha Municipio no Nasaun.
Administrador Postu Administrativo Lospalos , Municipio Lautem Dnis dos Santos Batista Nebe Jornalista RCL Hasoru iha nia servisu fatin tersa feira 21/12/2021 ne’e hateten katak , nia parte sente triste ba uma Tradisaun nebe Reprejenta Uma Lulik iha Municipio Lautem , nebe Hetan Sunu husi Ema deskonyesido , Prosesu Hari`i Uma adat iha Tempu Indonesia , ita nia ema balun lakon Vida hafoin Hari`i Metin .
Tuir Administrador katak , ho Akontesimento ida ne`e , Governo Local sei tau Prioridade de Orsamento hamutuk ho Lautem Oan sira iha Rai laran no rai liur Rekonstrui hikas Uma Tradisaun ga Uma adat Lospalos ne`e iha Tinan oin , nune`e bele reprejenta nafatin Uma Lulik sira iha Municipio Lautem , hodi fo Mahon no matak malirin ba Povu Tomak iha Municipio ida ne`e .
‘’Hau mos hanoin no hare ba uma adat ne’e hau triste , desde uluk kedas antes hau atu mai assume kargo hanesan Administrador Lospalos , hau nudar ema Lospalos nia oan , hau triste tamba uma ne’e kleur ona , to’o atu monu no kleuk ona mos ,maibe uma adat nebe ema desconhesido sunu ne’e dala ruma nia hanoin katak uma hanesan ne’e ema la tau matan, maibe buat ida liu ona mais agora oinsa ita atu halo planu ba future ,mais ba hau laiha kbiit atu koalia buat barak , maibe hau iha responsabilidade boot hodi aserta konjugasaun nia hanoin ba nivel nebe iha kompetensia , atu aban bairua iha planu bele reconstrui hikas Uma adat lospalos ne’e , maibe iha media social iha grupo balun iha hanoin ona atu bele halo planu ba future nian. Hateten Administrador Postu Administrativo Lospalos , Municipio Lautem Dnis dos Santos Batista Nebe Jornalista RCL Hasoru iha nia servisu fatin tersa feira 21/12/2021 ne’e
Entertantu:ho Kondisaun Uma Tradisaun ga Uma Adat Lospalos , Entidades hotu nudar Lautem Oan no Governo Local hahu Loke matan Ona , liu-liu Komisaun Eventual Le ia Val iha Rai Larn no rai liur kontinua foti ona asaun hodi Rekonstrui hikas atu hamrik Metin iha Povu Municipio Lautem nia Le`et .
Jornalista:syda
Editor:Nascimento Provincial
