RCL VP NEWS 07/01/2022
Lospalos [RCL VoxPopuly] – Asosiasaun Rádio Komunidade Timor Leste – ARKTL monitoriza Programa Redusaun Violensia Hasoru Feto no Labarik iha Estasaun Rádio Comunidade Lospalos [RCL] Vox Populy iha Munisípiu Laútem.
Durante neé, Rádio Vox Populy Lospalos produs no públika programa Redusaun Violensia hasoru ba Feto no Labarik Feto.
Iha abertura monitorizasaun, Prejidente ARKTL Prezado Ximenes hateten, monitorizasaun neé ho objetivu atu evalua produsaun rograma Rádio kona-ba redusaun violensia haoru feto no labarik feto sira, tamba tuir monitorizasau neé, ARKTL bele hatene benefisiu no impaktu husi programa neé.
“Hau sente kontente los tamba iha duni kolaborsaun nebe diak tamba bele konvida inan feto no alin feto sira atu bele tuir abertura ba monitorijsaun ba programa redusaun violensia hasoru feto no labarik feto nee. No objenctivo husi monitorijasaun ba programa nee atu bele evalua ba programa nebe durante nee Rádio Komuidade Lospalos halo no produs nee oinsa ita bele hatene rádio nia progreso serviso ba progerama ida nee iha impaktu ba komunidade ka rona nain sira ka iha kalae , no oinsa programa ida nee iha benefiso ba komunidade kalae”. Dehan Prejidente ARKTL, Sexta [07012022].
Iha fatin hanesan, Jestor Rádio komunidade vox populy lospalos Nascimentu Provinçial iha espera ho programa neébe públika iha Kanal Rádio Lospalos, bele fo vantajen diak ba komunidade sira, no bele dejenvolve diak liu tan iha futuru.
“Hau apresia ba alin estudante no inan feto sira nebe mak soe ona tempu hadi tuir abertura ba monitorijsaun ba programa redusan violesia feto no labarik feto nebe mak arctlorganija nee, espera katak ita bele hatoo ita nia ideia sira atu oinsa ita bele dejenvolve diak liu tan program i da nee nunee bele iha vatangen ba ita nia komunidade sira”. Dehan Jestor RCL.
Prejidente Asosiasaun Feto Timor Leste Munisipio Laútem Maria Lijia Sente kontente, no apresia ba programa neé be públika iha Rádio, tamba programa neé bele ajuda feto sira.
Tuir Nia, durante neé feto sira mak sai a lvu ba violensia, no sai alvu ba diskriminasaun, tamba neé nia husu ba Asosiasaun Rádio Komunidade Timor Leste atu kontinua apoiu programa neé, hodi konsensializa feto sira nia direitu,hodi hetan respeita husi ema hotu.
“Nuúdar Asosiasaun feto iha Munisipio lautem apresia tebes ba program ida nee tamba programa id a nee bele ajuda ita nia feto maluk sira atu oinsa bele redus violensi sira nee ,tamba durante nee iha fatin nebe deit feto sira mak sai alvu ba violensia no sai alvu ba diskriminasaun hirak nebe sempre akontese nafain ba feto maluk sira seluk”. Hateten Lígia Maria de Fátima.
Abertura ba monitorizasaun programa Redusaun violensia hasoru feto no labarik, partisipa husi asosiasaun feto timor leste munisípiu Laútem / profesores no estudante sira,neébe hetan suporta husi programa GIZ Alemaña.
Jornalista : ERE
Editór : Nascimento Provinçial
