Lospalos RCL Vox populy – Ministeriu Justisa no Ong Child Fund Timor Leste, Servisu Rejisto Notariado Municipio Laútem, regista ona Labarik husi Tinan Zero toó tinan Sanolu (0-10) hamutuk Rihun rua atus hitu (2.700) iha postu Iliomar, Luro no Tutuala hodi asesu sertidaun Moris RDTL liu husi Programa Registo Movel.
Director Diresaun Munisipal Konservatório Rejisto Notariado Munisípiu Laútem, Nikson Dias da Gama Ximenes ba RCL Vox populy Lospalos Segunda-Feira 10/01/2022 neé hateten, servisu konservatório Registo Notariado Munisipiu Laútem hamutuk ho Ong Child Fund Timor Leste Konsege Regista Labarik Zero – Tinan Sanolu iha posto Iliomar hamutuk Atus Sia (900) no iha Posto Luro Rihun Ida Atus Rua (1200) no iha Posto Tutuala Atus Neen (600) no hirak ne`e sei Asesu ba Sertidaun Moris RDTL iha Tempu badak nia laran.
‘’Foin dadauk ita iha programa Registo Movel neébe hetan suporta husi Ong Child Fund Timor Leste iha tinan kotuk neébe estabelese iha Posto adminustrativu 3 mak hanesan postu Iliomar, Tutuala no Luro. Liu husi Programa neé Ekipa tekniku servisu konservatório registo Notariado Munispiu Laútem konsege Regista Labarik Zero-Tinan Sanolu iha Posto Iliomar 900 no iha postu Luro 1,200 no iha Posto Tutuala 600 , no Husi Total Labarik Registrado neé sei asesu ba Sertidaun Moris RDTL iha Tempu badak iha Sira nia Posto Administrativo ou Suco , tamba Sertfikado sira neé sei iha Prosesu Produsaun ‘’ Nia hateten.
Nikson haktuir tan , nuúdar servidor públiku iha munisípiu, pronto atu ejekuta Ordem Servisu husi nasional, hodi fo atendimento ba Povu sira iha Munisípiu Laútem, tuir orientasaun.
‘’Nudar Suburdinadu Governo Sentral liu-liu Ministerio Justica iha Nivel Municipio, pronto atu halaó servisu tuir Ordem Nasional, hodi fo atendimentu servisu ba ia nia komunidade Sira neébe presija, dokumentos Legal Estado nian, nuneé bazeia ba Diretór Geral Servisu Notariado Registo Notariado nia Planu nebe hatoó mai iha Munisipiu Laútem dehan katak, tinan ida neé sei iha kontinuasaun ba Registo Movel Iha Municipio Lautem, neé duni ami Prontu Nafatin atu ezekuta no halaó tuir planu neébe iha Ona ‘’ Nikson Haktuir.
Labarik hirak neébe mak seidauk asesu Sertidaun Moris RDTL Liu husi Programa Registu Movel iha Tinan kotuk, sei asesu iha tempu badak nia laran, tamba parte servisu Registo Notariado Munisípiu Laútem sei halaó hela prosesu produsaun Sertidaun Moris RDTL.
Jornalista: Mento
Editór : Zem-Kasar
