Lospalos [RCL Vox Populy] –Benefiasiariu sira naín 400 resin iha munisípiu Laútem asesu ona Programa fila rai epoka 2022 hahu’u hala’o iha fulan Outubru tinan 2021 to’o agora.
Xefe departamentu Agrikultura Hortikultura Extensionista Laútem Manuel Madeira Savio ba Jornalista RCL iha nia Servisu Fatin Kuarta-Feira ne’e hateten, bazeia ba lista Benefisiariu sira nian husi kada extensionista sira iha postu sira katak, total Agrikultor sira ne’ebé servisu municipal agrikultura fila ona sira nia plantasaun agrikola hamutuk 400 resin.
Sira nia parte Elestabelese lista benefisiariu no bilete fila rai nian, nune’e bele monitoriza husi Servisu municipal Agrikultor Laútem ho fasilidades, inklui atu hatene oinsa bele hasae kualidade fila rai iha epoka tuir mai.
“Benefiasiriu pelu menus 400 ital Ne’e ninia lista nebe ami Simu husi extensionista sira Tamba ami estabelese Lista benefiasiario No mos Bileti Fila rai Ema mai tau naran Wainhira trator tama to’os Laran Bileti ida ne sira prense kompletu ho identidade Atu nune’e ami bele monitorin Husi lista refere no oinsa bele hasae Quantidade fila rai iha futuru mai,” hatete manuel Madeira iha nia knar fatin Quarta feira 12/1/2022 ne’e.
Dadaun ne’e prosesu Fila rai iha Postu Iliomar,Tutuala, Luro no Moru-Laútem remata ona, no Postu Lospalos seidauk realiza tamba area Juridku luan.
“Postu Iliomar Remata Tamba iha nebe ema kudar batar ladun barak, Luro mos hotu ona sira kudar batar no rai tetuk ne’e ladun, Laútem ne’e mos hotu ona hela deit Lospalos mak seiLa’o hela Tamba trator Limita Benefisiariu ne’e barak No ema hotu iha vontade atu kuda batar Hodi hasae produsaun,” nia Informa.
Maske nune’e, proses fila rai ba epoka tinan 2022 nian iha Postu Lospalos sei kontinua la’o normal.
