Lospalos [RCL Vox Populy] – Responsável Saúde Ambiente no Promosaun Saúde Laútem rejista kazu moras dengue iha Sentru Saúde Laútem hamutuk 15, konta husi tinan 2021 no Janeiro tinan 2022. Iha kazu moras dengue ne’e, la rejista sidadaun lakon vída.
Kuarta-Feira [12012022], Responsável Programa Saúde Ambiente no Promosaun Saúde Munisípiu Laútem Alfredo Jorge Informa, Iha fulan Janeiro Tinan ne’e, Servisu Saúde rejista kazu moras Dengue hamutuk naín 4, no kazu 11 mak rejista iha tinan 2021.
Pasiente ne’ebé afeta moras dengue mai husi Suco Raça postu Lospalos, no pasiente hirak ne’e transefere ona ba Ospital Referal Baucau.
Iha tinan 2021, Municipio Lautem rejista kazu dengue hamutuk 11maioria postu Lospalos, iha ne’ebé halo ona intervensaun imediata no fumigasaun kompletu.
‘’Agora dadaun iha tinan 2022 Fulan Janeiro ne’e, ita regista Kaz moras Dengue hamutuk 4, no Pasiente ne’e Ita nian, hafoin detekta Kazu moras dengue wainhira Pasiente Nain 4 sira ne’e transfere husi sentru Saúde Lospalos ba ospital Regional Baucau, iha Fulan Dezembro liu ba , no Informasaun ba Kazu ne’e foin Rona iha Loron 5 Fulan Janeiro , no Pasiente Na`in 4 ne`e mai Husi Suco Rasa , Postu Lospalos Laútem, no ho akontesimento ida ne`e, ami Ekipa Servisu ba Programa Saúde Ambiente no Promosaun Saúde Lautem nian , Tun kedan ba Suco Raca hodi halo Intervensaun Fumigasaun no Abatijasaun iha suco Rasa ‘’ Informa Alfredo Jorge.
Relasiona ho Kazu moras Dengue ne’e, parte servisu Saúde liu husi Servisu Saude Ambiente no Promosaun Saude husu sidadaun tomak atu halo Limpeja iha rejidénsia Uma nian hanesan hamos Baleta, Vazu Aifunan, Depojito Be`e , no kalen mamuk ne’ebé Susuk Subar, nune’e evita transmite moras Dengue.
Kazu moras dengue akontese iha Munisípiu Laútem aumenta kada tinan maibe la rejulta ema lakon vída, tamba akipa Saúde Ambiente no Promosaun Saúde kontinua hala`o Intervensaun no fahe Muskateiro.
Jornalista: SdC
Editór: Zem-Kasar
