Mehara rcl vox populy =Be’e mos no transporte mak durante ne’e sai preokupasaun bo’ot ba Centro Saude intreinamento Mehara Postu Administrativu Tutuala, Municipiu Lautem , ho nune’e prejudika tebes ba prosesu atendimentu pasiente sira iha postu administrativu refere.
Xèfe Centro Sa`ude Interinamentu Mehara, Cansio Pereira De Lima ba Jornalista RCL iha nia knar fatin quinta feira ne’e hatete,kareta ambulancia ne’ebe transporta pasiente sira ba Centro Saude refere avaria ona durante tinan rua liu , hodi nune’e implika tebes ba prosesu aktividade SISKA no Klinika Movel nian iha postu administrativu Tutuala , no Problema ida ne’e hato’o ona ba Servisu Municipal Saude Municipiu Lautem no Municipiu relata ona Ba Nasional maibe to’o agora seidauk iha rezultadu Ruma.
“Atendimentu ba pasiente iha centru Saude ida ne’e la’o normal maibe so ke iha problema oituan relasiona ho transporte, ami nia Kareta ne’e desde fulan fevereiru 2020 avaria ona , no ne’ebe agora para hela iha Municipiu, ami halo ona surat no ami fo hatetene ona ba Señor Diretor no hau hetan informasaun husi diretor katak problema ida ne’e hato’o ona ba Nivel Nasonal maibe to’o agora seidauk iha realizada ne’ebe ke ami hetan kareta tuan ga Foun ida para atu ami hala’o aktividade iha ami nia Centro saude , tamba kareta la iha aktividade sira hanesan por ezemplu Siska no Movel Klinika ne’e ami araska oituan tamba kareta la iha atu tula sasan no Aimoruk sira hodi hala’o aktividade sira ne’ebe ohin hau temi,” hatete Cansio Pereira De Lima ba Jornalista RCL iha nia knar fatin quinta feira 07/04/2022 ne’e.
Cansio mos informa , Maske kareta ne’e avaria ona maibe Servisu Centru Saude Mehara sempre komunika ba servisu ambulansia Municipiu nian inklui mos kareta privadu nian hodi Ajuda Transporta Pasiente sira ne’ebe presija tulun.
“ Maske kareta Avaria ona maibe ami sempre kontaktu ba ambulancia iha municipiu , no mos kareta privadu sira balum iha ne’e , por ezemplu hanesan madre sira nian ne’ebe sempre mai tula pasiente hodi halo transferensia mai iha centro Saude intreinamentu maske tarde oituan maibe nunka mais ami la atende pasiente hirak ne’e Moras grave,” nia informa.
Xefe Centro saude ne’e mos akrecenta, aleinde ne’e mos Centro Saude Intreinamentu Mehara infrenta hela Be’e mos tamba durante ne’e servisu centro saude refere uza udan been hodi bele atende pasiente sira ne’ebe kane’ek.
“durante ne’e be’e ami arska oituan tamba be’e ne’e ami uza udan be’en ne’e problema ba ami wainhira pasiente sira hanesan mai partus raan barak depois pasiente sira ne’ebe mai centro Saude ne’e atu ba hari’is ne’e mos araska oituan,” nia akrecenta.
Entertantu : maske Centro Saude Intreinamentu Mehara infrenta hela Be’e Mos no Transporte maibe Prosesu Atendimentu ba pasiente sira iha centru saude refere continua la’o. ito&tiago
