Lospalos [RCL Vox Populy] – Relasiona ho loron Nasional Sândalo no Florestas, autoridade munisípiu Laútem kuda Ai-kameli iha plantasaun meia hektar.
Kinta-Feira [13012022], Secretáriu Munisípiu Laútem Jacinto da Costa hateten, programa kuda ai-kameli ne’e bele hamorin povo Laútem ,Ho serimónia kuda ai-kameli, hanesan kuda ba futuru Lautem nian.
‘’ Iha Rai ne`e nia Leten sei hatudu katak ita iha Identidade ida , no ita iha Riku soin ida nebe bele hamorin Naran Lautem , ita tengki haksolok ho Progresu Dejenvolvimento iha Gerasaun ita nian , tamba Aman Funu Na`in Sira nebe Sacrifika nia an ba Mate tamba Rai ida ne`e , Intrega Rai ne`e livre no Soberanu atu ita bele hatutan sira nia misaun atu haburas no hariku Rai ne`e ba ita nia Gerasaun nebe mai , ho Oportunidade ida ne`e mos hau husu ba repartisaun hotu-hotu tengki kuda Aikameli minimu Hu`un 5 iha nia Edifisu nia Oian Proteje no haburas Nafatin , Tamba Uluk Aikameli Timor Mak Nasaun hotu-hotu Konyese Timor Leste”. katak Jacinto da Costa.
Diretór Servisu Agricultura Laútem Almeida Fernandes Xavier hateten, aktividade Kuda ai-kameli ne`e, bele haforsa no proteje no konserva ai-kameli husi jerasaun ba jerasaun , tamba ho Ai-kameli bele hamorin Timor Leste.
‘’ Loron Kuda Aikameli ida ne`e Marka Istoria ida iha Municipio Lautem , tamba Loron ida ne`e Nudar Loron Internasional Kuda Ai nian , Nune`e iha Teritorio Nasaun Timor Leste selebra Loron ida ne`e , Kuda Ai ho Espese Aikameli hamutuk hamutuk 500 iha nia Planta Rasik ho Luan Meia Hektar ho Autoridade Local no Directores Municipais sira tomak iha Municipio Lautem , ho tamba ho Kuda Aikameli bele haforsa no Proteje Aikameli husi Gerasaun ba Gerasaun , no bele hamorin rai no Nasaun Timor Leste ‘’ Dehan Diretor Servisu Municipal Agricultura Municipio Laútem Almeida Fernandes Xavier.
Almeida mos hateten, ho Lutu ne’ebé haleu plantas ai-kameli nia ne`e bele proteje ona, wainhira Governo Local Aplika lala`is ho Rigor Decreto Lei Numeru 33/2008 kona ba ijiene Ordem públiku, hodi regulariza Balada Hakiak Sira, nune`e labele estraga ai-kameli ne’ebe Kuda ona.
‘’ Lutu nebe mak Haleu ona Plantas Aikameli ne`e bele Proteje ona Aikameli nebe Foin Kuda , naran Katak , Governo Local bele Aplika ho Rigor Decreto Lei nebe koalia kona ba Higiene Ordem Publico , hodi Regularija Povu Sira Atu Bele Halo Luhan ba Animal Domestika nebe Povu sira Hakiak , liu-liu Karau no Kuda , atu labele Estraga Plantas Aikameli nebe iha , no Guarda Floresta Sira nebe Ejiste ona sei Tau matan Nafatin ba Aihoris sira nebe Kuda ona , hodi bele Buras ho kualidade nebe diak ba Municipio Lautem no ba Nasaun Timor Leste ‘’ Hateten Almeida .
Serimonia selebrasaun Loron Nasional Aikameli no Floresta ne`e , hala`o iha Aldei Laiku , Suco Fuiloru , Posto Lospalos Municipio Lautem , ne’ebe partisipa husi Diretores Maunicipal sira, Autoridade PNTL, no Guarda Floresta sira no Funsionario Publico Munisípiu Laútem.
Jornalista: Sdc
Editór: Zem-Kasar
