Lospalos [RCL Vox Populy] – Atu bele asegura transporte públiku no terminal ho seguru, Ministériu Transporte no Komunikasaun, liu husi Diresaun Géral Transporte Komunikasaun, Kinta-Feira [13012022] sosializa ba komunidade kona-ba ne’e iha salaun Administrasaun munisípiu Laútem.
Administrador Munisípiu Laútem Domingos Savio agradese ba sosializasaun ne’e tamba ekipa Ministériu bele partilla informasaun kona-ba oinsa bele asegura ema nia direitu liiu-liu ema ho Difisiensia Feto rural sira atu asesu Transporte Públiku, inklui fasilidade públiku sira Iha teritóriu Nasional liu-liu iha Laútem.
“Hau hanesan Administrador Municipiu Lautem Agradese Ba imi nia Prezensa iha ne’e , Ita atu Koalia Kona-ba oinsa Ita atu asegura ita nia transporte publiku Tamba agora ne’e ezize mak liu ita nia Feto maluk sira Ita nia defisiente sira Oinsa ita bele asegura sira nia direitu ba Asesu transporte publiko no Fasilidade publiku nian,” hatete Adminaistrador Municipiu Lautem.
Diretor Géral Transporte Komunikasaun Gaspar De Araújo haktuir tan, tinan ne’e , Ministeriu Transporte no Komunikasaun iha ona planu atu preve osan ba Programa implementasaun Jéneru iha Area Transporte Públiku ho seguru ba mudansa Inkluzivu, nune’e bele aseguru ema hotu atu asesu transporte públiku asegura ema hotu liu-liu ema ho defisiensia no Feto Rural sira.
“atu asegura transporte Públiku husi Ema hotu liu – liu ema difisiensia sira ne’e ba futuru ministerio sei preve osan ba Aktividade ida , mesmu ke tinan kotuk Ita preve osan oituan deit maibe tinan oinsa sei preve osan boot ba programa ida ne’e,” Gaspar haktuir.
Dezaminasaun informasaun ne’e partisipa husi funsionáriu públiku, estudante sira, no autoridade munisipal Laútem.
Jornalista: Ito & sida
Editór: Zem-Kasar
