Lospalos [RCL Vox Populy] – Transporte públiku liu-liu bus diresaun Lospalos-Dili, ne’ebé sirkula iha tempu kalan, ne’ebé afeta asidente tráfiki, tamba ne’e mak Governu lokal munisípiu Laútem sei asegura asuntu hirak ne’e iha tempu badak.
Diretór DNTT Laútem Edy Correia Lemos ba Jornalista RCL iha AdministrasaunLaútem, Kinta-feira [14012022] hateten, sirkulasaun bis diresaun Dili-Lospalos ne’e iha ona orientasaun husi Administrador tuir lei kodigu estrada artigu 4, atu bis sira labele halao sirkulasaun iha tempu kalan.
Wainhira situasaun ne’e la iha kontrolu diak, movimentu transporte públiku iha tempu kalan sei afeta ba asidente ne’ebé fo perigu ba pasajeiru sira nia vída.
“tuir lolos Administrador Municipal Hatun ona orientasaun ba diresaun municipal DNTT atu bele orienta kona ba sirkulasaun bis diresaun dili no lospalos atu bele halai iha loron no iha loron 23 fevereiru tinan 2021 kedas. Diresaun refere hasai kedan kodigu strada artigu 4 nebe hateten kona ba orden autoridade sira nian no bazeia ba orden administrasaun sira nian no iha tempu nebe ba kedan diresaun DNTT hatun despaisu sira ne’e atu bis sira labele halo sirkulasaun iha tempu kalan no iha momento ne’e kedas ita konvoka reniaun hamutuk ho administrador komandante PNTL Munisipio no encontru ho kareta nain sira no avizu kona ba halai loron ne’e hasai iha reniaun ne’e kedas no to’o agora avizu seidauk iha mundansa sei ejisti nafatin ba transporte publico sira maibe wainhira avizu ne’e bis sira la tuir regras hirak ne’e bebeik nia parte sei fo sansaun tuir orden nebe mak sei aplika ba sira”. Edy Coreia dehan.
Hatan ba ne’e, Administrador munisipio Laútem Domingos Savio hateten , nia parte sei hatun orientasaun ba bis no transporte públiku sira seluk, atu labele sirkula iha tempu kalan.
‘’Hau sei halo orentasaun para bis ne’e halai loron no wainhira bis halai kalan ne’e sei hetan dezastre tamba dala ruma conductor sira matan dukur bele perigu ba pasajeiru sira nia vida moris no bis halai loron ne’e bele asegura pasajeiru sira nia moris”. dominggos savio esplika.
Administrador munisípiu Laútem sei servisu hamutuk ho DNTT nune’e bele orienta sirkulasaun bus diresaun Dili no Lospalos iha tempu loron.
Jornalista: Syda&ito
Editór: Zem-Kasar
