Lospalos [RCL Vox Populy] – Ministelériu Agrikultura no Peskas munisípiu Laútem husu comunidade sira atu labele kasa animal fuik iha parque Nasional Nino Conis Santana, tamba Governo deklara Parque Nasional Nino Conis Santana iha ona 30 fulan agusto 2008.
Diretór Servisu Munisipal Agrikultura Almeida Frans Xavier, iha Radio Tolkshow RCL Lospalos segunda-feira ne’e husu komunidade sira atu labele kasa animal fuik iha parque nasional tamba Governu deklara parque Nasional atu labele kasa animal fuik arbiru.
‘’ iha dia 30-08-2008 governo timor leste halo ona declarasaun Parque nasional ho naran parque nasional nino conis Santana iha ne’e , ita nia animal fuik nebe mak ejiste ita rico teb-tebes kompara ho munisipio sira seluk ita rico ho animal rusa manu fuik sira kakatua nomos mau-mauraku ida ne’e mak ejiste iha parque nasional nino conis Santana antaun ho kontinuasaun ida ne’e ita nia stadu timor leste halao declarasaun ida ne’e tamba parque nasional importante tebes ba ita nia nasaun no ba povu tomak no ita hotu-hotu tenke tau matan nafatin no asegura nia sustentabilidade no sai rico soin ba ita nia nasaun ne’e ba oin’’. Dehan Almeida.
Durante ne’e regulamentu kona-ba parque nasional nino conis Santana iha ona maibe, comunidade mak la iha konsensia hodi kasa animal fuik arbiru.
‘’lolos ne’e ita nia regulamento sira ne’e iha ona kona ba labele kasa animal fuik sira ne’e iha ona no oinsa ita kontrola nafatin par gerasaun ba gerasaun nafatin ejiste iha ita nia rai ida ne’e maibe ita nia komunidade sira laiha konsensia hodi kasa nafatin ba animal fuik sira nebe mak iha ita nia parque nasional maibe lolos comunidade munisipio lautem hatene ona ba kasa animal fuik sira tamba tinan barak ona ita implementa regulamentu sira nebe mak labele kasa animal fuik arbiru”. Diretór MAP dehan.
Tuir observasaun, Komunidade sira seidauk iha konsensia nafatin hodi kasa animal fuik sira iha parque nasional tamba parque nasional nu’udar riku soin nasaun.
Jornalista: Syda&Linda
Editór: Zem-Kasar
