Lospalos [RCL Vox Poply] – Ensinu Básica Central munisípiu Laútem hahuú loke ona inskrisaun hodi simu estudante foun tinan 2022 ba klasse 7 ano,ne’ebe hahuú segunda feira loron 17 Fulan Janeiru to’o sexta feira semana ne’e.
Diretóra EBC Centro Lospalos Filomena Fernandes Cabral ba Jornalista RCL iha nia kna’a fatin Segunda-feira ne’e hateten, kalendáriu diresaun edukasaun municipal fo sai katak eskola Ensino báziku Sira iha Laútem hahuú loke inskrisaun simu estudante foun ba tinan 2022.
“Inskrisaun ba Novus Alunos Eskola ne’e rasik la tuir sirkular no kalendario nebe Ministeriu Edukasaun fo sai, Ami tuir ida ne’e nebe inskrisaun ne’e hahu Iha Dia 17 Ohin to’o Dia 22,” Dehan Filomena Fernandes Cabral ba Jornalista RCL iha nia Servisu Fatin Segunda ne’e.
Eskola ne’e sei simu deit estudante foun hamutuk atus rua (200) deit tamba sala de aula iha eskola refere limitadu. Diretóra ne’e esplika, orsamentu inskrisaun ba estudante foun hamutuk Dollares Amerikanu neen nolu resin tolu ($63).
“Novus Alunos Hanesan baibain 63 $, Ida ne’e inklui farda rua Nebe farda Desportu Depois ho tan farda Riskadu I depois ho tan bee Osan nebe inan aman kontribui Ba insentiva Profesor Voluntariu sira Iha Eskola ida ne’e, 63 $ ba novos Alunos no ba oitavu ano no Nonu Anu hamutuk 25 $,” nia Esplika.
Iha segunda feira to’o tersa feira ne’e, EBC Centro Lospalos sei simu estudante Foun sira husi eskola ne’e nia filial rasik no ba Filal sira seluk ne’ebe hakrak regista iha eskola refere sei simu iha Quarta no Quinta feira Semana ne’e.
Husi Sorin Seluk , Director Ensino Secundario Geral ga ESG Nino Koni Santana Lospalos , Pedro da Costa mos Informa katak , Eskola nebe nia Chefia ne`e mos hahu ona Reinscrisaun ba Alunus Tuan , no ba Alunus Foun nia parte sida`uk bele hatene , tamba Rejultado Ejame Nasional no Local sida`uk anunsia.
‘’prosesu inkrisaun ba estudante foun no tuan nee lolos nee hahu iha loron ida nee , maibe mundansa nee akontese iha ministerio katak anunsio rejultado finalist nee katak aban mak foin anunsiu iha nasional ho nunee bairua mak foin sira halo enkotru iha eduksaun municipal mak foin sira rona desijaun , ho nunee iha loron ida nee ita halo re inskrisaun ba estundate tuan sira ‘’dehan Director Eskola Ensino Sekundaria Geral Nino Konisantana lOspalos Pedro da Costa .
Entretanto Prosesu Reinscrisaun ba Alunus Tuan , iha Ensino Secundaria no Vokasioanal hahu ona Tuir Orientasaun Ministerio Edukasaun nian , enkuanto ba Inscrisaun ba Alunus Foun sida`uk bele hala`o tamba Rejultado Ejame sida`uk Anunsia .
Jornalista: Ito+ Linda
Editór: Zem-Kasar
