Lospalos [RCL Vox Populy] – Servisu saúde Munisípiu Laútem relata, progresu vasinasaun iha Laútm, hahuú husi fulan Maiu 2021 to`o agora, atinji ona 74,41%.
Ters-feira [18012022], Chefe Departamento Saúde Ambiente no Promosaun Saúde Munisípiu Laútem Alfredo Jorge hateten, progresu vasinasaun Covid-19 husi inisiu tinan kotuk to`o agora ho Vasina Astrazeneca atinji ona 74,41%.
To’o oras ne’e, Vasinasaun Astrazeneka Doze Primeiro atinji ona 80,92 %, no Doze Segundu 74,41%..
‘’ ita nia Progreso Vasinasaun nebe hahu iha Fulan Maio 2021 to`o agora a nivel Municipio ba Doze Primeiro ita atinji ona 80,92 % no ba Doze Segundo ita foin Atinji (74,41%), nune`e ita nia Equipa Vasinasaun sei kontinua hala`o sira nia servisu hodi fo Vasinasaun iha Tereno , atu nune`e Municipio Lautem bele atinji lala`is Porsento Municipal nian nebe mai Husi Nasioanl , hakarak hateten katak Porsento Vasinasaun nebe Ki`ik liu Nivel Posto iha Municipio Lautem ne`e ho Porsentagem Lima Nolu pontu Sia nolu iha Posto Lautem , Enkuanto Posto Administrativo 4 Seluk , atinji ona targeto nebe iha ‘’. Informa Alfredo.
Médiku munsípiu Laútem husu Komunidade Sira ne’ebe seidauk simu Vasinasaun, hakbesik a`an ba Fasilidade Saúde hodi hasae imunidade.
‘’ Hau husu ba Komunidade Sira nebe sidauk Hetan Vasinasaun , atu bele haka`as a`an hodi hakbesik ba Fasilidade Sa`ude ou Centro Vasinasaun nebe iha , hodi bele hasa`e Imunidade liu husi Vasinasaun , nune`e mos Husu ba Komunidade sira atu Kopera ho Equipa Vasinasaun nebe durante ne`e vijita Uma ba Uma , tamba sira kontinua nafatin hala`o Vasinasaun iha Tereno ‘’ Dehan Alfredo Jorge.
Médiku munisípiu Laútem husu populasaun tomak atu simu vasina nune’e bele hasae imunidade, no kontinua kumpri regras prevensaun Covid-19 tuir rekomendasaun Ministériu Saúde no Organizasaun Mundial Saúde.
Jornalista: SdC & Linda
Editór: Zem-Kasar
