Lospalos [RCL Vox Populy] – Ensinu Secundária Tékniku Vokasional númeru rua Laiku Lospalos to’o oras ne’e seidauk halo prosesu rejistrasaun ba estudantes foun tamba seidauk anunsia ofisialmente rejultadu final.
Adjuntu Diretór ensinu sekundária Tekniku Vokasional númeru 2 Laiku Lospalos Apolinario Pinto ba jornalista RCL Kuarta-feira [19012022] hateten, to`o agora eskola ne`e seidauk hala`o rejistrasaun ba estudantes foun, tamba seidauk anunsia rejultado final.
Maske seidauk hala`o rejistrasaun ba alunu foun sira, maibe Eskola ne`e iha ona kritéria. Kada Alunus foun tenke lori rejultadu Ezame Nasional no Osan US$133.00 inklui Farda Eskola no Propinhas no Osan deskrisaun.
‘’Ami hein ida ne’e wainhira kuandu ninia Rejultado Anunsia ona hahu data ida ne’e ami halo inskrisaun ona tuir ami nia planu tamba ne’e tamba sexta feira rejultadu fo sai sabado ba on ne’e komisaun bele serbisu ona maibe ba depende ba departamentu tolu tuir ami nia planu ne’e hanesan mos ba sirgular husi Ministerio katak kada aula simu deit hat nolu maibe departamentu tolu ne’e ami nia esperensa bele simu sentu i vinti ba tinan ida ne’e nian maibe depende ba situasaun deit no kriteria mak tenki hatudu Rejultado Exame Nasional ba Ensino Basico nian”. Hateten Nia.
Tuir Planu Ensino Tékniku Vokasional númeru 2 Laiko Lospalos sei simu alunus 120 bazeia ba sirkular, kada aula sei akumula alunus 40 ho sala 4.
Jornalista: SdC
Editór: Zem-Kasar
