Lospalos [RCL Vox Populy] – Komandu Polisía Munisípiu Laútem prepara ona atu asegura seguransa ba aktividade kampanha eleitoral, no eleisaun Prezidensial iha loron 19 fulan marsu tinan 2022.
Komandante Polísia Munisípiu Laútem Superintendente António Rego Fernandes ba RCL Kinta-feira [20012022] hateten, Polísia Laútem iha rekursus hamutuk 149 ne’ebé prepara ona hodi aloka ba kada eskuadra sira iha Munisípiu Laútem hodi hala’o Seguransa ba kampanha no eleisaun tuir mai.
Antes Xefe Estado dekreta loron eleisaun, Komandu Polísia Laútem halaó ona formasaun kona-ba mentalidade, fíziku no tekniku atusaun hodi garante seguransa iha Eleisaun refere.
“Ita iha Recursus nebe ke Iha dadauk ne’e ita iha 149 Pessoas nebe preparadu Atu destaka ba iha Kuarrtel no Eskuadra hotu-hotu nebe dadauk ne’e ita halo hela preparasaun Hodi halo siguransa ba Eleisaun Prezidensial nebe ke atu mai I depois de Prezidente dekreta data de Eleisaun nebe ke ita hotu hatene katak Sei monu iha dia 19 de Marsu Ho ida ne’e Molok to’o iha neba ami iha Preparasaun profunda tebes Liu-liu iha Area formasaun nian Ita prepara mental, Ita prepara ita nia fiziku ba ita nia efektivus sira Para ita halo refresing treining Ba ita nia efktivu sira nebe eziste no treinu konba tekniku oinsa halo atuasaun,” dehan Superintendente Antonio Rego.
Superintendente António Rego husu Komunidade sira iha munisípiu Laútem tenke kalma iha aktividade kampanha eleitóral no eleisaun, atu lao ho susesu hodi kria paz no estabilidade.
“Buat hot-hotu sei tuir nia tempu maibe husu ba ita hotu liu-liu komunidade sira iha Municipiu Lautem Kalma nafatin I PNTL Municipiu Lautem Sempre prontu disponivel Iha kualker tempu Iha 24 oras nia laran fo segurans a maximu ba ita nia komunidade sira iha Municipiu ida ne’e,” nia haktuir.
Dadaun ne’e Komandu Polísia Laútem fasilita ona treinamentu ba membru Polísia hotu hala’o seguransa másimu iha festa demokrásia.
Jornalista: Ito
Editór: Zem-Kasar
