Lospalos [RCL Vox Populy] – Sekretáriu Estadu Komunikasaun Social [SECOMS] Mericio Juvinal Dos Reis Akara [Sexta-Feira 28012022] vizita Rádiu Komunidade Lospalos hodi hare no rona direitamente kondisaun no preokupasaun Jornalista Sira nian.
Juvinal Dos Reis akara hateten, objetivu husi vizita ne’e atu kongratula Jornalista sira no hare’e progresu no difikuldades jornalista sira nian ne’ebe durante ne’e infrenta.
“Primeiru hakarak fo boas entradas ba ba ita hotu liu ba Gestor no Jornalista sira tamba hau hatene katak Tinan kotuk ita boot sira halo servisu diak maske hasoru difikuldades limitasoens oin-oin maibe kontinua ho komitmentu makas kontribui nafatin divulga informasaun pozitivu ba ita nia cidadaun entaun primeiru objektivu mak ida ne’e duni no segundu hakrak hatene progresu servisu ita bo’ot sira nian atu mos halo dialogu ho ita bo’ot sira konaba obstakulu sira nebe ita bo’ot sira infrenta durante ne’e, No mos oinsa SECOMS halo planu ba Dezenvolvimentu Radio nian iha futuru nian,” Dehan Juvinal akara.
Tuir Observasaun SECOMS hatudu, kuaze Rádiu komunitáriu sira iha teritóriu nasional iha preokupasaun no difikuldades hanesan liu-liu Infra-estrutura, ekipamentus no transporte sira.
“Tinan kotuk kuandu hau vizita Radio Mauloko, Maubisse, Ainaru, Suai, hau nota kuaze difikuldades sei hanesan maibe ita nia progresu barak mak ita tenke apresia entermos de koenteodu ita boot sira servisu diak Balum konsege tinan ida produs noticias liu 700, mais difikuldades klasik mak ita infrenta mak hanesan infrastrutura, Equipamentos no transporte sei Limitadu ida ne’e,” Governante ne’e haktuir.
Sorin Seluk, Jestor Rádiu Komunidade Lospalos Nascimento Provincial informa , difikuldades no limitasaun ne’ebe Rádiu Komunidade Lospalos infrenta hanesan rekursus umanus, Finansiamentu no fasilidades maibe la signifika hamate votande Jornalista sira, hodi divulga informasaun ba komunidade sira.
“Maske ho limitasaun entermus de rekursus umanus, Finasiamentu no Gasilidades maibe ihane’e ami organiza malu iha ne’e hodi avansa saida deit mak iha, nebe ami nia servisu husi segunda to’o sabadu ami kompremetidu nafatin fahe informasaun ba komunidade sira nebe dadaun hamrok no hamla ba informasaun,” Nascimento informa.
SECOMS husu Ba Radio Komunitario sira hotu atu kontinua servisu ho imparsial hodi divulga informasaun ho lo’os no kredivel ba Públiku maske hasoru difikuldade sira.
Jornalista: Ito
Editór: Zem-Kasar
