RCL VP – LOSPALOS – Atu Kombate no Prevene Moras Dengue nebe dada`un ne`e ho Numeru A`as tebes iha Teritorio Timor Leste Inklui Municipio Lautem Entidades hotu Kumpri Ordem Estado hodi halo Limpeja Geral .
Kada Sexta Feira Comunidade no Fungsionario Publico no Sosiedade Civil , Kontinua hala`o Limpeja iha Vila Lospalos , no Posto Sira , hodi Kontribui ba Ambiente nebe Mos no Saudavel , nunee prevene Moras Dengue nebe Mosu Iha Municipio Lautem no Iha teritorio Timor Leste.
Segunda Feira 07/02/2022 Ne`e Secretario munisipio lautem Jasinto Da Costa iha Nia Kna`ar fatin hateten , Programa Limpeja ne`e hanesan programa Permanente nebe sei rutina iha kada Sexta Feira atu kada Instituisaun Governo , Comunidades no Entidades sira hotu , atu bele Hamòs Ambiente iha Cidade no Bairo sira .nune ambiente iha villa lospalos bele mos no saudavel hodi evita moras dengue nee no moras hotu.
‘’Programa Limpeja ne`e nudar Desijaun Konselu Ministro , no Programa ida ne`e nudar Programa Permanente , atu Funsionario , Comunidades no Sociedade Civil bele Implementa hodi hamos Ambiente Cidade no Bairo sira , iha kada Sexta Feira Loron Tomak , no convida mos comunidade autoridade sucu aldeia sira hodi partisipa ba limpeja geral nebe mak halao iha munisipio idak-idak liu-liu iha munisipio lautem , atu nune bele evita moras dengue tamba agora dadaun ne`e numeru Moras dengue Kontinua aumenta makas ‘’ Dehan Jacinto
Jasinto Da Costa mos hateten tan katak, Governo Municipal too agora sidauk iha Kareta Permanente hodi Tula Foer , maibe Unico Trator Nebe Governo Iha Mak sei fasilita hodi Ra`ut Foer sira ba Fatin Destinado lixu nian.
‘’ agora dadaun ita seidauk iha kareta atu fasilita ho tula Foer sir aba Fatin destinado Lixu nian , tamba tinan-tinan Minsterio administrasaun Estatal sempre kontratu kompainia sira para bele tula foer nebe mak iha , tamba ita hatene katak provijoriamente governo local seidauk iha prosesu tenderijasaun foun , relasiona ho Alokasaun Orsamento ba tinan ida ne`e sida`uk la`o normal nune`e Governo local foti desijaun hodi uja tractor nebe mak governo nian ho atraladu para bele tula foer iha kada sexta feira ‘’ Tenik Jacinto da costa .
Administrasaun Municipio Lautem, husu nafatin ba comunidade sira hotu Atu bele Soe lixu Iha Fatin nebe Apropria ona , Ida ne`e Parte Koperasaun Servisu ida Entre Autoridade ho Komunidade ba Ambiente mos no Saudavel.
Jornalista ; syda
Editor ; Mento
