LOSPALOS {RCL VOX POPULY }- Diretiva no Manorin sira iha Ensino Bazico Central (EBC) Culuhun Lospalos , Quarta Feira 09/02/2022 Ne`e Enkontro hamutuk ho inan Aman Alunus sira , hodi koalia kona ba Problema Eskola nebe sira Infrenta.
Director EBC Nazario da Costa Freitas iha Abertura Encontro ne`e hateten , Enkontro ida ne`e atu koalia no tau Ideias hamutuk oinsa bele Dejenvolve Sistema Edukasaun iha Eskola refere , nune`e mos oinsa Inan aman sira bele Kolabora diak ho parte Eskola hodi kontrola diak liu tan Labarik sira hodi bele tama Eskola ho Pontualidade.
Nazario Haktuir , liu husi Enkontro ida ne`e inan aman sira bele tau hanoin hodi kopera ho Parte Eskola , Nune`e Eskola bele la`o ho diak , tamba Inan aman mak nudar Parseiro nebe diak ba Eskola Refere.
‘’ Relasiona ho Inan aman Alunus nebe sai Parseiro Diak ba ami nia Eskola , Nune`e Papel Inan Aman Alunus sira nian Importante hodi bele Kolabora diak liu tan , Eskola ne`e la`o ho diak , tamba Eskola sei la la`o mesak , maibe Parte Eskola tengki la`o hamutuk ho Inan Aman sira , ami mos husu nafatin ba Inan aman sira atu bele Kontrola nafatin Oan sira atu bele Tama Eskola ho Pontualidade bazea ba Regulamento Eskola nian nebe Estabelesido , tamba dala barak Alunus sira Sei Tu`ur nafatin maske Sinu Eskola lian Ona ‘’ katak Director EBC Nazario da Costa Freitas iha Abertura Encontro entre Eskola ho Inan aman Sira iha Quarta Feira ne`e.
Parte Eskola mos sei Husu Kontribuisaun Inan aman nian , atu bele Hari`i Dapur ida ba Programa Merenda Eskolar iha Eskola Refere hodi bele Fasilita Alunus Sira hodi Simu Merenda ho Besik , tam,ba Durante Ne`e Dapur Dok husi Aula Eskola nian .
‘’ Ho distansia Kunzinha nebe do`ok husi Eskola , no difikulta Alunus Sira wainhira Simu Merenda nian , tamba Wainhira Udan Labarik sira La`o Bokon mak to`o iha Kuzinha , nune`e Ami Parte Eskola Husu ba Inan aman Sira atu bele Lolo Liman netik ba Eskola hodi bele Estabele Dapur Ida nebe Besik Aulan Eskola , hodi hafasil Estudantes Sira wainhira Simu Merenda ho distansia Besik ‘’ Tenik Nazario.
Prejensa Inan aman Alunus ba Ekontro ne`e Menus liu kompara ho Numeru Alunus nebe to`o Atus Rua Resin , no ida ne`e hatudu katak Kolaborasaun Inan aman hodi Kontrola Oan Sira ba Eskola Minimo liu,nune`e Dejenvolvimento Edukasaun iha Eskola refere labele la`o ho diak.
JORNALISTA ; Timotio-SdC
Editor ; Mento
