Lospalos { RCL Vox Populy} – Chefe Centro Sa`ude Internamento Lospalos Tersa Feira 15/02/2022 ne`e relata , Moras Dengue nebe mosu husi Janeiro to`o agora hamate ona Ema Na`in ida iha Municipio Lautem , husi Total Ema nebe Afetado Moras Dengue hamutuk Ne`en nolu resin Hitu (67) nebe Rejistrado .
Chefe Centro Sa`ude Internamento Lospalos , Justiono dos Santos ba Jornalista RCL iha nia Kna`ar fatin hateten , Hahu husi fulan Janeiru to’o agora , Centru Saude Internamentu Postu Administrativu Lospalos Municipiu Lautem , regista positive pasiente moras Dengue iha ema na`in Ne`en nolu resin Hitu (67) no husi Total Kaju ne`e konsege hamate ema ida iha Lautèm .
Nia haktuir, husi kaju moras ne’e pasiente balun transfere ba hospotal referal baucau, hodi halo tratamentu, maibe pasiente ida maka la konsege salva nia vida/ no mate iha hospital referal baucau.
“ita konsege ruzuk ba baucau hanesan ida lakon nia vida ne’e ida deit ne’e hela iha bauro ida ne’e ita ruzuk ba baucau mate iha neba mak lori fila mai no aimoruk dengue nian ne’e la iha ita so halo prevene deit hanesan sira atau mai nia isin manas makas ita fo hanesan parasitamol no mos ita tau hanesan soru ne’e para atau hamenus nia manas maine aimoruk dengue nian ne’e la iha,” Dehan Justino Dos Santos ba Jornalista RCl iha Nia Knar fatin Tersa Feira ne’e.
Nia dehan Tan , Husi Numeru Kaju ne`e , Mane hamutuk Tolu nolu resin Sia (39) no Feto Rua nolu resn Walu (28) .
“janeiru 2022 to’o agora mai tratamentu iha ne’e mane hamutuk 39, feto 28, total 67 orang ida ne’e mak pozitivu moras dengue iha ita nia centro saude ida ne’e, teste hanesan sira nia ran sira hanesan sira nia plafeta ne’e tun liu plafeta, ida ne’e ita tenke ruzuk ba baucau porque nia ran ne’e menus entaun iha komplikasi,” Tenik nia
Dada`un ne`e Fatin ba Pasiente Sira iha Centro Sa`ude Lospalos laiha Ona Espasu , ne`e duni Profesional Sa`ude sira haruka Pasiente balun Baixa iha Uma , maibe nafatin hetan Kontrolu Masimo husi Pesoal Sa`ude Sira .
Jornalista:Ito
Editor:Nascimento Provincial
