Trilolo Iliomar {RCL Vox Populy}- Komunidade Suco Tirilolo , Posto Administrativo Iliomar , To`o agora Labele Asesu ba Mercado iha Tempu Udan , Tamba Kondisaun Estrada nebe Liga ba Suco Refere la favoravel.
Chefe Suco Tirilolo ,Adao Teles Ximenes ba Jornalista RCL Iha nia Kna`ar fatin Tersa Feira 15/02/2022 ne`e hateten , Comunidade iha Suco Refere , to`o agora labele Transporta Sira Nia Produtu local nebe Sira iha ba Mercado iha Tempu Udan Bo`ot , tamba Comunidade Sira Tengki Hakur Mota Rua.
Nia Dehan ho Kodisaun Estrada ne`e , Nia parte dala barak hato`o ona ba Governo , maibe sida`uk Responde , nune`e Difiklulta Povu Sira atu Asesu ba Mercado , tamba Transporte Publico labele Sirkula Iha Suco Refere iha Tempu Udan .
‘’ Hau nia Komunidade Sira labele asesu ba Mercado iha Tempu Udan Bo`ot , tamba atu sai no Tama ba Suco Tirilolo , tengki liu husi Mota Bo`ot 2 , to`o agora Estado sida`uk Responde , maske Problema ne`e Ami Levanta bebe`ik ba Sira (Estado) , nune`e difikulta Movimento Transporte nebe hakarak atu Sirkula Mai ami nia Suco hodi Transporta Povu nia produtu Agricola nebe iha, alende ne`e mos Difikulta Inan Isin 2 Sira atu ba Asesu Hospital ou Centro Sa`ude . Hau husu ba Estado atu bele halo Buat Ruma ba hau nia Suco , liu-liu Suco Tirilolo nia Estarada , pelumenus Estabelese Netik Ponte 2 ne`e ho Kondisaun Diak , hodi hafasil Povu sira Asesu ba Mercado ‘’ Dehan Chefe Suco Tirilolo ,Adao Teles Ximenes ba Jornalista RCL Iha nia Kna`ar fatin Tersa Feira 15/02/2022 ne`e.
Kona ba Kestaun ida ne`e , Administrador Posto Administrativo Iliomar , Jacob dos Reis hateten , nia Parte Rekonyese Kondisaun Estrada iha Suco Tirilolo nian , maibe Estrada Ida ne`e tama ona ba Planu , tamba Equipa Tecnico halo Ona Verifikasaun iha Tinan Kotuk , maibe Sida`uk hatene Wainhira mak Realija.
‘’ Buat Estrada ne`e Publico , Kualker Ema halo Movimento iha area neba hare`e ho matan ni Kondisaun , nune`e hau Rekonyese Duni Estrada iha Suco Tirililo , tamba to`o agora ho kondisaun la diak , tamba wainhira Tempu Udan Bo`ot , Komunidade Sira tengki hakur Mota 2 , no Estrada ida ne`e kategoria Estrada Rural , maibe Kondisaun ida ne`e Tama Ona ba Planu Estado nian liu husi ILO , tamba Equipa Tecniko sira hahu Verifika ona Fatin iha tinan kotuk , maibe sida`uk hatene Wainhira mak Implementa , tamba Prosesu Verifikasaun ne`e , Husi Suco Tirilolo , Larimi to`o Balija Iliomar ho Ba`aguia Municipio Baucau nian ‘’ Deklara Administrador Posto Administrativo Iliomar , Jacob dos Reis .
Komunidade sei la Husu Buat Barak ba Estado , maibe Infrastrutura , liu-liu Estrada Rural tengki ho Kondisaun di`ak , Nune`e Povu bele Hasa`e sira nia Rendimento Ekonomia , tamba Kondisaun Estrada la di`ak , sei implika ba Povu nia Economia .
Jornalista:SdC
Editor:Nascimento Provincial
