LOSPALOS RCL VOX POPULY=Maske Infrastrutura Administrasaun Posto Administrativo Lorè sida`uk iha , maibe Servisu Administrasaun Posto Lorè hahu la`o ona iha Janeiro Tinan ne`e , Bajeia ba Despaixo Fungsaun Publica Nomeia Ona Carolino da Silva Nudar Administrador ba Posto Administrativo Lorè .
Secretario Municipio Lautem Jacinto da Costa ba Jornalista RCL Iha nia Kna`ar fatin Administrasaun Municipio Lautèm Quinta Feira ne`e hateten , Sistema Atendimento Povu iha Posto Lorè ne`e hahu la`o ona , maibe Administrador Posto Lorè sei hala`o Kna`ar iha Administrasaun Municipio Nian ho temporariamente tamba Edifisiu Posto Lorè sida`uk iha .
Nia Afirma , Ministro Administrasaun Estatal sei , Tun Direita mai iha Municipio Lautem , hodi Akompanya Administrador Posto Lorè , hodi Entrega direita ba Povu sira iha rai Lorè , Aumesmo Tempo Ministro Rasik sei Hatùr Fatuk dahuluk ba Infrastrutura Administrasaun Posto Lorè nian iha Tempo badak nia laran .
‘’ Strutura Administrasaun Posto Administrativo Lorè , Municipio Lautem hahu Estabelese ona , tamba Hahu husi fulan janeiru tinan ida ne’e , Fungsaun Pùblica hatu`un ona despaixo hodi Nomea Ona Carolino da Silva Nudar Lorè Oan Ida sai Administrador Posto Lorè nian , ida ne’e hatudu katak servisu postu foun ne’e komesa lao dadaun ona , no atendimento ba comunidad sucu refere mos lao , tamba postu foun ne’e edifisio seidauk iha administrador postu lorè ne’e Temporariamente servisu hamutuk iha administrasaun munisipio lautem durante ne’e , Ministro Administrasaun Estatal sei Vizita Municipio Lautèm hodi lori Administrador Posto Foun Lorè hodi Entrega ba Povo iha Rai Lorè nian , Aumesmo Tempo sei hatu`ur Fatuk Primeiro ba Kontrusaun Edifisio Administrasaun Posto Administrativo Lorè iha Tempo besik , tamba Prosesu tenderijasaun ba Infrastrutura postu lorè komesa lao dadaun ona ‘’ Afirma Secretario Municipio Lautem Jacinto da Costa ba Jornalista RCL Iha nia Kna`ar fatin Administrasaun Municipio Lautèm Quinta Feira 17/02/2022 ne`e.
Jacinto da Costa mos Declara , Prosesu Kontrusaun ba Edifisio Posto Administrativo Lorè sei hahu iha Fulan Março tinan ida ne`e , Tamba Povu Lore Entrega ona Rai ba Infrastrutura Administrasaun Posto Lorè nian.
‘’Iha fulan marsu nia laran kontrusaun ba edifisio Postu Administrative Lorè komesa lao dadaun ona iha fulan lima ka hitu nia laran , tamba rai mos comunidade sira entrega ona ba postu foun ne’e mai iha administrasaun munisipio , no tecniko sira komesa halo lewantamento dadus ona, no prosesu tenderijasaun mos lao dadaun ona , tamba ne’e horseik hau asina documentus Balun ba proposta orsamento no Administrador Postu Lorè mak komesa ona asina ba documentus ne’e no servisu atendimento ba comunidade mos hahu lao dadaun ona.’’ Declara Jacinto da Costa.
Rai Lorè La`os Posto Foun , maibe Reativa De`it , tamba Posto ne`e Estabelese ona iha Tempo Kolonial nian , nune`e ba Tinan ida ne`e Otivo Governo Konstitusional Reativa de`it , bajeia ba Pedido Povo Lorè durante tinan barak nia laran .
Jornalista:syda&tiago
Editor:Nascimento Provincial
