LOSPALOS RCL VOX POPULY = Grupu Arte Marsiais ga GAM Lautem Quinta Feira 24/02/22 nee halo Akordo Kompromisiu ba Dame , nebe Organija husi Comisaun Reguladora Arte Marsiais ga CRAM Nasional nebe hala`o Iha ADM Lospalos Municipio Lautem.
Administrador Municipio Lautem Domingos Xavio iha Abertura serimonia nee Hateten, Lideransa Grupu Arte Marsiais Iha Municipio Lautem Tengki kria Paz no Unidade hodi Kontribui ba Dejenvolvimento Nasional .
Administrador mos hateten , Wainhira involve iha Grupu Arte Marsiais , la`os atu baku malu no Provoka malu , maibe tengki Buka Dejenvolve A`an hodi Bele lori Nasaun ne`e liu husi Actividades Desportiva , tamba Arte Marsiais nudar fatin ba Dejenvolvimento Desportu nian .
‘’ Nudar Lider Grupu Arte Marsiais ida , tengki fo Doutrina Diak ba nia Membro Sira atu hatudu Mentalidade diak , sai Desportivo hodi lori Nasaun nia naran ba Rai liur , nune`e mos Bele Kria Paz no Estabilidade hodi Kontribui ba Prosesu Dejenvolvimento Nasaun nian , nune`e hau husu ba Membro GAM Lautèm atu tane Nafatin Kultura hodi hametin Unidade paz no Estabilidade , tamba Lautèm Kesi ho Kultura Nudar Eransa ida nebe ita nia Beiala sira Husik Hela . Durante ne`e Hau Hare`e no Observa Lautèm laiha Problema Entre Grupu Arte Marsiais nune`e hau Agradese no Kongratula Lideres Arte Marsiais ni Doutrina Diak ba nia Membro Sira ‘’ Administrador Municipio Lautem Domingos Xavio Liu husi Abertura Akordo Kompromisu ba Dame Iha Municipio Lautem iha Morano ADM Lospalos .
Iha Fatin hanesan Reprejentante Komandante PNTL Municipio Lautem Inspectòr Polisia , Hermenegildo dos Santos hateten , Parte Polisia prontu Atu Asegura Actividades Estado nebe halao Iha Rai laran, no engkoraja Nafatin GAM Atu hametin Nafatin Unidade Paz no estabilidade.
Nia mos Dehan Seguransa Laos Iha Parte Polisia Nia Liman deit , maibe Ita hotu Iha Responsabilidade boot Atu Asegura estabilidade , Tamba Ema hotu Iha Direito ba Liberdade no Moris Hakmatek.
‘’Nudar Membro no Autoridade Seguransa Prontu atu Asegura Actividades Estado nian, maibe la signifika katak , Seguransa iha Parte Polisia nia Kaba`as de`it maibe hanesan Juventude nune`e Grupu Arte Marsiais nudar Pilar Importante ba Seguransa nasaun nian , Nune`e Juventude ho Parte Seguransa tengki hamutuk nafatin hodi Asegura Estabilidade iha Pais ida ne`e , tamba Nudar Polisia Enkoraja nafatin GAM Atu hametin Nafatin Unidade Paz no estabilidade.Tenik Inspectòr Polisia Hermenegildo dos Santos.
To`o ohin loron Grupu Arte Marsiais iha Lautèm Kontinua Konsidera malu hanesan Maun ho Alin , feton ho Na`an tamba Cidada`un Lautèm sivilijado no Tanè nafatin Eransa Kultura nebe Beiala sira Husik Hela ba ita.
Jornalista:Acai
Editor:NP
