Palàsiu Governo Dili 31/05/2023 = Konsellu Ministrus hala’o sorumutuk iha Palásiu Governu, iha Dili no delibera ona aprova, tuir projetu ne’ebé aprezenta husi Ministru Obras Públikas, prosedimentu aprovizionamentu – Reabilitasaun Estrada Munisipál sira, Pakote II – Seksaun Sidade Maliana Faze 1 (ICB/087/MOP-2022), ho valór estimadu dolar amerikanu millaun 13,
Liu husi Sorumutuk ne`e mòs Konsellu Ministru delibera ona autoriza mós tuir projetu ne’ebé aprezenta husi Ministru Obras Públikas, despeza ba kontratasaun Konsultoria ida iha Jestaun Projetu nian ba Projetu Abastesimentu Bee no Saneamentu iha Dili (Dili Oeste), ho valor estimadu dolar amerikanu millaun 15,2.
Konsellu Ministrus delibera ona autoriza, tuir projetu ne’ebé aprezenta husi Ministru Obras Públikas, despeza hodi hahú prosesu aprovizionamentu no formalizasaun tuir kontratu públiku ezekusaun obra nian modernizasaun sistema abastesimentu bee no saneamentu iha sidade Lospalos, Vikeke no Same. Tanba ne’e, Konsellu Ministrus autoriza despeza globál estimada dolar amerikanu millaun 66,83 ba prosedimentu aprovizionamentu ne’ebé sei halo iha lote tolu:
Lote 1 – Modernizasaun sistema públiku abastesimentu bee no saneamentu ba sidade Lospalos ho valor estimadu dolar amerikanu millaun 22,48;
Lote 2 – Modernizasaun sistema públiku abastesimentu bee no saneamentu ba sidade Vikeke ho valor estimadu dolar amerikanu millaun 23,76; no
Lote 3 – Modernizasaun sistema públiku abastesimentu bee no saneamentu ba sidade Same ho valor estimadu dolar amerikanu millaun 20,59.
Fontes Informasaun ; DNPDML / MAPCOMS
