Lospalos RCL VOX POPULY = Banku Nasional Comercial Timor-Leste BNCTL liu husi BNCTL Sukursal Lospalos Municipiu Lautem hahu kria ona ATM P24 ba Kliente sira iha Municipiu Ida Ne’e Tamba ATM P24 ne’e ho Multi-funsaun katak bele foti osan no halo transferensia osan ba Banku Sira seluk.
Diretor BNCTL Sukursal Lospalos Municipiu Lautem, Agustino Luis Fernandes ba Jornalista RCL iha Nia knaar Fatin Tersa Feira ne’e hatete, antes aplika ATM Multi Fungsaun ga ATM P24 , Servisu BNCTL Sukursal Lospalos Alerta ona ba Clientes Sira iha Teritoriu Municipiu Lautem hafoin halo Lansamento.
Nia Haktuir, ATM P24 ne’e Diak Liu fali ATM Lokal Tamba ATM P24 ne’e Multifunsaun bele Foti Osan iha Banku ne’ebe deit.
” mudansa ba Iha ATM Lokal ne’e iha iniciu Fulan Nafsu ne’e ba Iha ATM P24 ne’e Ita fo sai kedan Notifikasaun liu-liu fo avizu ba Kliente sira para Sira bele Mai Loke Fila fali Sira Nia ATM Lokal ba iha P24, Agora Ita ati adere ba iha P24 ne’e goin dadauk Ita publika katak ATM P24 ne’e ninia Servisu ne’e multi Funsaun signifika katak ho kartun ATM P24 ne’e Ita bele halo Levantamentu ba iha Banku Mandiri, ANJ, BNU no BRI,” hatete Agustino Luis Fernandes ba Jornalista RCL iha Nia knaar Fatin Tersa Feira ne’e.
Diretor ne’e mos informa, ATM P24 ne’e bele uza mos ba Transferensia Osan husi BNCTL ba Banku Sira seluk nebe existe on iha Nasaun Timor-Leste.
“Ligasaun ATM 24 ne’e mos Ita bele halo Transferensia ezemplu Hau Nia Konta bankaria Ne’e BNCTL , Hau bele Transfere osan ba Banku Mandiri ho BNU ligasaun ho Ita Nia familia nebe presija nebe ATM P24 ne’e Nia Funsaun Multifunsaun,” Nia haktuir.
Entertantu: Dadaun ne’e , Total Klientes ne’ebe uza ona ATM P24 iha Municipiu Lautem Ne’e kuaze Rihun Ida resin. ito
