Postu Iliomar RCL VP =Programa Vasinasaun Pfizer nebe Governu Liu husi , Ministèrio Sa`ude Implementa hodi Vasina ba Labarik Husi Tinan Sanolu Resin Rua to`o Menus Sanolu Resin Walu (12- 17) Bele Sai Lutu Nebe Fortè ba Labarik Sira nia Isin Lolon , no Bele Prevene Virus Covid-19 .
Labarik sira ho Minoridade iha Posto Administrativo Iliomar , Kuaze Asesu hotu ona Vasina Pfizer , tamba ho Pfizer mak bele Hasa`e sira nia Imunidade ho Idade Minor ne`e Sente Konteno Mak Prevene Covid-19 sei hasa`e Imunidade Labarik Sira nian.
Estudante ida husi Ensino Secundario Geral Katolika , Sao Joao Paulu Segundu , Iliomar Fernado de Oliveira ba Jornalista RCL iha nia Postu Administrativu Iliomar , Quarta Feira 13/04/2022 Sente Kama`an Wainhira Simu Vasina Pfizer ba Doze Primeiro , tamba Vasina Pfizer ne`e nudar Lutu ida nebe Fortè iha Hau nia Isin lolon , hodi Prevene Virus Covid-19.
‘’ Hau nia Naran Fernando de Oliveira Klase Desimo Primeiro Eskola Sao Joao Paulu Segundu de Iliomar , hau Sente Vasina Pfizer ne`e Importante, no Fo Vantagem nebe bo`ot ba hau nia Moris , tamba Vasina ida ne`e nudar Lutu Ida nebe haforsa Hau nia Isin Lolon , no Bele hasa`e Hau nia Imunidade Wainhira hasoru Virus Covid-19 .’’
Iha Fatin Hanesan Inosençia Maria Lina da Costa mos hateten , Nia Parte Fiar katak Vasina Pfizer ne`e Diak , Maske Antes ne`e Informasaun Falsu barak mak Ema Lansa Liu husi Media katak , Vasina ne`e Ladiak , Maibe depois Simu , sente Laran kama`an tebes ba iha Vasina Doze Primeiru ida ne`e .
‘’ Hau nia Naran Inoçençia Maria Lina da Costa Nudar Estudante ida ho Tinan 16 , hau Fiar Katak Vasina Pfizer ne`e Diak , Maske Antes ne`e Informasaun Falsu barak mak Ema Lansa Liu husi Media katak , Vasina ne`e Ladiak , Maibe depois hau Simu , sente Laran kama`an tebes ba iha Vasina Doze Primeiru ida ne`e , maske Ami Simu Ona hamosu Reajen ho Isin Manas no Sente Baruk , maibe Depois Loron 1 liu hau nia isin Sente diak no Saudavel , Nune`e hau husu ba Kolega sira hotu , atu bele Hakbesik A`an lalais ho Profesional Sa`ude sira atu bele Hetan Vasina , tamba Vasina ne`e Importante ba Ita nia moris .’’
Alende ne`e Virnia Maria da Costa Neti sente katak , Fou-foun Nia parte Sente Ta`uk ho Vasinasaun Covid-19 , tamba liu husi Media Sosial Publika katak , Vasina ne`e fo impaktu ba Ita nia Moris , maibe , wainhira Simu , buat hotu Normal no bele Kura Moras Balun iha nia isin.
‘’ Hau nia Naran Virnia Maria da Costa Neti Nudar Estudante ida husi Ensino Secundaria Geral Katolika Joao Paulu Segundu , Fou-foun ne`e hau Sente Ta`uk atu Simu Vasina Covid-19 , tamba Wainhira hau Akompanya Informasaun nebe Ema lansa iha Media Sosial katak , Vasinasaun ne`e sei fo impaktu ba ita nia Moris , maibe Wainhira hau Simu Vasina Pfizer buat hotu la`o normal , no laiha Problema ba hau nia Isin , Nune`e Hau Sei la fiar Informasaun Falsu nebe Ema Espaila , maibe hau tengki fiar Hau nian A`an hodi hasa`e Hau nia Imunidade liu husi Vasina , tamba ida ne`e Importante tebes ba hau nia Moris ‘’.
Entretanto ; Labarik sira ho Idade 12-18 Mai Kra`ik ne`ebe simu ona Vasina Doze Primeiro , sei Hein nafatin hodi Asesu ba Doze Segundu nian , Nune`e bele Kompleta Vasina hodi Kria Lutu rasik iha sira nia Isin lolon hodi Prevene Virus Covid-12 Karik mosu .
Jornalista:ACI&Linda
Editor:NP
