LOSPALOS RCL VOX POPULY =Cruz Vermelha Timor-Leste (CVTL) Filial Municipiu Lautem Quinta Feira nee halao assembleia Juventude nian hodi hili reprezentante juventude foun atu kontinua controla no dezenvolve Juventude sira nia kapasidade.
Kordenador CVTL filial Municipu Lautem, Luis Manuel Pereira ba Jornalista RCL Iha nia knaar fatin kinta Feira 21/04/22 nee hateten, objektivu ba aktividade assembleia ida nee atu bele hili delegadu juventude Feto no Mane hodi tur iha Konselhu Deretiva Municipal CVTL nian atu nune`e bele dezenvolve diak Liu Tan Juventude sira nia kapasidade iha Futuru.
Nia haktuir, kada tinan Rua, Cruz Vermelha De Timor-Leste Filial Lautem sempre hala´o aktividade assembleia ida ne´e hodi hili reprezentante Juventude Foun sira.
“Objektvu husi assembleia ida ne´e at hato´o relatoriu tinan nian ba membru Cruz Vermelha Timor-Leste Filial Lautem no mos ba ita nia parseiru sira, i no mos objektivu segundu nian mak atu hili fali reprezentante Juventude Feto No Mane hodi tur iha strutura Konsellu diretiva Municpal nian no assembeia ida nee ita halao kada tinan rua hodi troka fila fali Delegadu juventde sira,” Hatete Luis Manuel Pereira ba Jornalista RCL Iha nia knaar fatin kinta Feira nee.
Fatin Hanesan Reprezentante Juventude sesante iha CVTL Filial Lautem, Delsiana Silvania Morais hatete, Durante nia Mandatu nia la Konsege implementa Programa barak tamba Ho situasaun Pandemia , tamba ne´e nia husu ba Reprezentante juventude Foun ne´ebe sai Eleitu ona ne´e tenke kaer metin nafatin Espiritu Voluntarizmu hodi Lori juventude CVTL Filial Lautem ba Moris diak.
“Iha aktividades neebe mak ami halao mak ami kolabora ho juventude sira iha CVTL filial Lautem hanesan kursu Inglesh no breafing maibe difikuldade ne`ebe ami infrenta maka hanesan Situasaun Pandemia , ho nunee ami la konsege implementa aktividade barak ho nunee ami husi ba Reprezentante eleitu atu kontinua kolabora ho strutura CVTL filial Lautem nian hodi bele ezerce diak liu tan aktividade neebe mak iha,” Delsiana Silvania Morais hakotu .
Entertantu : aktividade Assemblia ne´e lao diak tamba hetan Partisipasaun Maximi husi Juventde CVTl Filial Municipiu Lautem sira.
Jornalista:Ito&timotio
Editor:NP
