Tuesday, June 18, 2024
spot_img
HomeFoto GaleriaInan aman sira tengki fò Aihan local ba nia oan sira

Inan aman sira tengki fò Aihan local ba nia oan sira

Lospalos Rcl Vox Populy =Ina aman sira tengki Evita fo konsumu Aihan Importasaun ba Oan sira , tamba aihan Importadu ne`e Kontaminadu ho kimika , maibe tengki fo Ai han local nebe produs iha rai laran , tamba Aihan local mak iha Nutrisaun nebe diak ba Labarik sira  .

Responsavel Sa`ude Nutrisaun Centru Sa`ude Internamentu CSI Lospalos , Meta Beatriz Samofir ba Jornalista RCL Segunda Feira ne`e hateten , Atu labarik sira bele konsumu , aihan nebe Saudavel , Inan aman sira tengki fo Aihan Produtu local , tamba Aihan Produtu Local mak nia Sabòr diak no Saudavel.

Nia mos haktuir , Aihan Produtu local ne`e sei origin no Prodùs direita husi Agricultores sira , no ida ne`e sei origin , sida`uk Kontamina ho Kimika , nune`e sei hasa`e Labarik sira nia Nutrisaun diak ba futuru .

‘’Atu konsumu  hahan  nebe  saudavel  , diak  liu  ita  tenke  konsumu aihan  produtu  local  , tamba  produtu  local  ne’e  ita  nia agricultura  sira  mak  produs  , nia   nutrisaun  diak liu no  nia  kontamina  ne’e  ita  bele  hatene no  ita bele  han ,  maibe  wainhira  ita  konsumu aihan  kimika  ne’e  nia  nutrisaun  la dun  iha  tamba  importa  husi   nasaun  seluk , konsumu  aihan  produtu  local  ne’e  diak  liu  duka ita  konsumu  ba aihan  kimika  ne’e  tamba  aihan  produtu  local  buat  hotu  ita  produs  liu  husi  nia  prosesu  no wainhira  ita koileta  mos  sei  fresku  no  nia nutrisaun  iha laran  ne’e  sei barak  maibe wainhira  ita  konsumu  ba aihan  husi  sportasaun  ne’e   ita  lahatene  nia prosesu  no  nia kontamina  mos  barak  liu  ona  no  nia  nutrisaun  mos  laiha ona ida  ne’e ita  han ba ita  nia  isin  la iha  nutrisaun  no fo impactu  fali  ba ita  nia  isin  lolon. ‘’ Dehan  Meta  Beatris  Samofir  ba Jornalista RCL iha CSI Lospalos Segunda Feira 25/04/2022 ne`e .

Husi Sorin Seluk Komunidade ida  ho naran  Agustino  Alves   nebe  Jornalista  RCL  hasoru  iha villa  lospalos  Seggunda  feira  ne’e  hateten , Aihan Produtu Local nia Sabòr diak , no nutritivu , Nune`e Ita tengki Evita aihan Husi rai Liur nebe Kontaminadu ho Kmika , tamba aihan Importadu fo Impaktu ba Oan sira nia Nutrisaun .

‘’Hahan sira nebe ita lor-loron fo ba ita nia oan sira , ne`e iha nia Diferensia , tamba Aihan Produtu Local no Produtu rai liur , maibe hakarak hateten katak , Produtu Local ne`e diak liu duque Produtu rai liur , tamba aihan produtu Local ne`e nia Sabòr diak no origin , no bele fo Nutrisaun diak ba ita nia oan sira , maibe Aihan Produtu rai liur nian ne`e ita lahatene nia prosesamentu , tamba husi Nasaun seluk tama iha ita nia nasaun ne`e ne`e kontaminadu ona ho kimika , no sei fo impaktu ba Labarik sira nia Nutrisaun , Ne`e duni Hau husu ba Ita hotu , atu badinas Prodùs Aihan Local hodi fo han ba ita nia oan , hahu Evita Dependensia ba Aihan husi rai liur’’ . Tenik Agustino  Alves .

Atu Hasa`e ita nia Rendimentu Econòmiccu iha rai laran , Tengki Evita Konsumu Aihan husi rai liur , no Konsumu de`it mak Produtu rai laran nebe Produs rasik , tamba Aihan husi rai liur ne`e sei Redùs rendimentu Econòmia iha rai laran .

Jornalista:syda

Editor:NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x