Lospalos RCL VOX POPULY = Maske Ensinu Secundaria geral Lere Anan Timor ESGLAT Lospalos , Municipiu Lautèm hahu Infrenta Problema kona ba Menus Manorin iha Eskola refere , maibe la impede prosesu Ezame Primeiru Periodu ba tinan ida ne`e , tamba ho Rekursu umanu nebe iha , bele kontinua la`o ba oin .
Diretòr Adjuntu ESG LAT Lospalos , Selestinu Soares ba Jornalista RCL iha nia Kna`ar fatin Tersa Feìra ne`e hateten , Prosesu Ezame Primeiru Periodu iha eskola refere kontinua la`o maske ho Manorin sira nebe menus , tamba ho rekursu umanu nebe iha , bele kontinua Ensinu aprendijajen hodi prepara alunus sira ba Ezame nian .
Diretòr Adjuntu , nebe mos nudar Diretòr em ezersisiu ne`e mos afirma , total alunus nebe partisipa iha Ezame Segundu Periodu ne`e hamutuk na`in Atus Sia , hitu nolu resin Tolu (973) nebe fahe ba Turnu dader no Lora`ik.
‘’ Prosesu Ezame Primeiru Periodu iha eskola refere la`o ona iha loron 18/04/2022 Maibe tamba Elisaun , nune`e halo adiantamentu husi Ministèriu no foi hala`o iha 25/04/2022 maske ho Manorin sira nebe menus iha hau nia Eskola ne`e maibe Eskola ne`e kontinua la`o ho rekursu umanu nebe iha , bele kontinua Ensinu aprendizazen , hodi prepara alunus sira ba Ezame nian , nune`e hau hakarak afirma de`it katak , total alunus nebe partisipa iha Ezame Segundu Periodu ne`e hamutuk na`in Atus Sia , hitu nolu resin Tolu (973) kompostu husi 10°ano 318 , 11°ano 370 no 12°ano 284 nebe fahe ba Turnu dader no Lora`ik.’’ Afirma Diretòr Adjuntu ESG LAT Lospalos , Selestinu Soares ba Jornalista RCL iha nia Kna`ar fatin Tersa Feìra 26/04/2022 ne`e.
Nia mos declara ; lolos Manorin iha Eskola nebe nia Xèfia ne`e hamutuk Rua nolu resin Lima maibe , ba dada`un ne`e hela de`it Na`in Rua nolu de`it , tamba iha Mundansa no balun reforma , nune`e Prejudika tebes Ensinu Aprendizazen iha eskola refere.
‘’ Profesor iha ne`e kompletu no sufisiente , maibe depois iha mudansa foin lala`is ne`e , balu reforma ona , nune`e total profesor iha hau nia eskola hela de`it na`in Rua nolu , husi total profesor ne`e mak koloka ba Sala 24 kompostu husi Sala 8 iha Turnu dadèr no sala 16 iha turnu lora`ik nian , mais Profesor sira kontinua mantein nia sevisu , maske liu oras , maibe nudar edukador no kriador tengki simu realidade nebe iha , tamba Profesor mak naroman Mundu nian . ‘’ Declara Diretòr em ezesisiu ESG LAT Lospalos.
Entretanto ; Problema Menus Profesor sei la hamate Espiritu Profesor sira nebe iha , hodi kontinua hala`o Ensinu Aprendizazen iha Eskola , tamba Mestre sira mak sai Xàve Rekursu Umanu nebe kualidade , hodi Dezenvolve Nasaun ida ne`e iha futuru .
Jornalista ; ACI
Editor ; NP
